AÁBC-sánit davvisámegiella/nordsamisk

AÁBC-sánit lea app mii veahkeha máná oahppat lohkat go guldalit bustávvajietnadagaid ja sániid.

Fakta og tilgjengelighet

Kategori: Språk/tale, Før skolealder, Småtrinnet (1.-4.), Apper/programvare, iOS, Lulesamisk, Nordsamisk, Sørsamisk, Ord- og begrepsopplæring

Språk: Davvisámegillii, julevsámegillii ja mattasámegillii.

Systemkrav: iOS

Utvikler: Statped. Prošeaktajoavku: Åsta Joma Granefjell, Solvår Knutsen Turi, Tor Persen og Kirsten Wirkola. Sámediggi lea resurssaid juolludemiin dahkan vejolažžan čađahit dán prošeavtta.

App:a heive ovdaskuvlla mánáide ja álgolohkan oahpahussii. Mánát besset okto dahje earáin ovttas geahččaladdat ja oahppat guldalit sámegiel jietnadagaid ja sániid.

  • Mánná beassá okto dahje earáin ovttas hárjehallat lohkat sániid. Jus mánná ii muite jietnadaga, de son sáhttá čujuhit bustávvii ja guldalit jietnadaga. Dien láhkái oažžu juste dan veahkki maid dárbbaša vai beassá hárjehallat lohkat.

    AÁBC-alfabehta sáhttá geavahit álgolohkan oahpahusas. APP:a sáhttet maid oahppit geat rahčet álgolohkamin geavahit. Oahppi beassá iežas dásis ja návccaid vuođul hárjehallat sániid lohkat.

  • AÁBC:as leat golbma dási gos oahppi beassá hárjehallat lohkat sániid.

    Vuosttas dásis oaidná oahppi ovtta gova, gullá sáni ja de galgá válljet riekta sáni dan golmma sánis mat čájehuvvojit šearpmas.

    Nuppi dásis oaidná oahppi ovtta sáni maid galgá lohkat, ja de sáhttá deaddilit gažaldatmearkka mii oidno šearpmas oaidnindihte lea go lohkan sáni riekta. Jus oahppi lea eahpesihkkar makkár jietnadat gullá bustávvii, de sáhttá deaddilit ovtta ja ovtta bustáva ja guldalit jietnadaga.

    Goalmmát dásis oaidná oahppi ovtta sáni ja golbma gova. Son galgá de válljet dan gova mii heive sátnái. Jus oahppi lea eahpesihkkar makkár jietnadat gullá bustávvii, de sáhttá deaddilit ovtta ja ovtta bustáva ja guldalit jietnadaga.

  • App:a vieččat Appstore:as nuvttá. ABC-sánit lea álki geavahit. Olgeš bealde šearpmas lea válljenboksa gos oahppi vállje háliida go bargat julev-, matta- dahje davvisámegielain . Dan maŋŋá vállje oahppi dási, okta luomi lea álkimus, ja golbma luopmána lea váddáseamos.

    Jiena sáhttá váldit eret, ja dalle šaddet bargobihtát váddáseabbot.

    Vuolemusat šearpmas lea skohter mii johtá ovddas guvlui dađistaga go oahppi vástida riekta. Go lea ožžon 10 riekta boahtá visuála bálkkašupmi šerbmii ja oahppi sáhttá válljet háliida go joatkit dahje háliida go eará bargobihttá.