Saemien pedagogeles faagebiejjine

Saemien sjïerepedagogeles nedteviermie lea aavone ihke maahta datnem Saemien pedagogeles faagebiejjide bööredidh voerhtjen 22.-23.b. 2020 Guovdageaidnusne.

Saemien pedagogeles faagebiejjiej tihtele 2020 lea «Saemien maanaj jïh noeri byjjenimmie-tsiehkie, gïele jïh teknologije”Aamhtese dam voestes biejjiem lea ellies råajvarimmie maanide jïh noeride. Håalijh edtjieh gïelen bïjre soptsestidh, maanan reaktaj bïjre, jieledehaalvemen bïjre jïh nuepieh guktie maahta lïeremem sjïehteladtedh, evtiedimmiem gïele,- jïh identiteeten bïjre, jïh jïenebegïeleldh ööhpehtimmien bïjre. Minngemes boelhkem dam voestes biejjesne leah parallelle sesjovnh goh gïelebiesien metodihke, faageorrestimmiem, goerehtimmie- dïrregidie, joejkh jïh soptsestimmie-vuekien bïjre.Aamhtesem mubpien biejjien lea digitaale didaktihkeles hammoe. Saemien faagebiejjieh öörnesuvvieh fïerhten mubpien jaepien ovmessie bieline Saepmesne.

Konferaansen ulmiedåehkie lea uvtemes pedagogh saemien skuvline jïh maanagïertine, bene hævvi råårestalleme aaj sjeahta skuvleaajhteridie, barkijidie PP-dïenesjisnie, skuvleraeriestæjjide j.n.v

Konferaansem sjædta «streamet».

Saemien sjïerepedagogeles nedteviermie (SEAF) faagebiejjide öörnesuvvieh. Saemiedigkie, Statped jïh Nasjonale jarnge saemien ööhpehtimmesne leah beetnehvierhtie vadteme. Råårestallemen ulmie lea pedagogeles faagealmetjh saemien lïerehtimmieinstitusjovnijste tjöönghkedh abpe saemien dajveste juktie faageles maahtoem evtiedidh, govlehtalledh jïh åahpenidh Saemien joekehtsh bieliejgujmie. Lissine nedteviermiem learoevierhtieh jïh goerehtallemen dïrregh evtiedieh saemien utnijidie