Skuvlačála davvisámegillii/nordsamisk

Skuvlačála applikašuvnnain sáhtát ráhkadit teavsttaid, ja seammás gullat jietnadagaid, sániid ja cealkagiid čáledettiin.

Fakta og tilgjengelighet

Appikovdna: Boallobeavdi ja sámi leavga mas čuožžu davvisami

Kategori: Språk/tale, Lese- og skrivevansker, Før skolealder, Småtrinnet (1.-4.), Mellomtrinnet (5.-7.), iOS, Android, Nordsamisk

Språk: Davvisámegiella

Systemkrav: iOS, Android

Utvikler: Karin Ohlis, Sámi earenoamáš pedagogalaš doarjalus (SEAD)/Davvi Statped ja Sámi lohkanguovddáš, NorggasSpecialpedagogiska skolmyndigheten, Ruoŧas.

Les omtale av Skuvlačála på norsk.

Skuvlačála lea álkes čállinprográmma mas lea sámegielat jietnasyntesa (teavsttas hupmamii). Go boallobeavddis deaddilat bustávaid, de gullo bustávvajietna. Go deaddilat sátnegaskaboalu, de dadjá hupmansyntesa sáni maid leat čállán, ja olles cealkaga gaskamearkka bokte (ii fal rihkku). Sánit merkejuvvojit ivnniin dađistaga go hupmansyntesa lohká olles teavstta maid leat čállán, vai mánnái lea álkit čuovvut teavstta logadettiin.

  • Go mánná galgá oahppat lohkat de ferte vuos ipmirdit ahte sáni sáhttá juohkit jietnadagaide, ja ahte jietnadagaid galgá geassit oktii sátnin. Lohkan ja čállinoahpahusas lea dehálaš fuomášuhttit makkár jietnadagat bustávain leat. Skuvlačála appas gullo dušše bustáva jietnadat, ii ge bustáva namma. Dainna lágiin beassá mánná vásihit ja visualiseret jietnadaga/fonema ja bustáva/grafema oktavuođa.

    Lea maid vejolaš neahtas viežžat sámegielat teavsttaid ja liibmet sisa appii, de lohká hupmansyntesa dan teavstta. Dat lea sihke doarjjan ja buorre lohkanstrategiija ohppiide geat rahčet lohkamiin.

    Skuvlačála lea buorre reaidu lohkanmetodihkas, Čállit lohkamii boallobeavdejiena ja hupmansyntesa bokte (Å skrive seg til lesing med talende tastatur, STL +).

    Čállinprográmmas lea giehtačála, vai galgá álkit oahppat dovdat ja čállit giehtačállojuvvon bustávaid. Sáhttá maid ráhkadit ja čálihit olggos hárjehallanárkkaid mas leat veahkkesázut giehtačállin hárjehallama váste.

    Čállinčujuhusat čájehit movt bustávaid galgá riekta čállit gieđain. Dat guoská maid loguide gaskal 0-9.

    STL + metodihkka nanne giellaovdáneamis gálggaid mat leat vuođđun lohkan – čállinovdáneapmái. Erenoamážit gielalaš diđolašvuođa, mii lea dehálaš go mánná galgá oahppat jiena ja bustáva hámi oktavuođa (fonema ja grafema ovttastumi).

    Skuvlačála heive buohkaide, muhto lea earenoamážit heivehuvvon ohppiide ja earáide geain leat lohkan- ja čállinváttut.

    Álgolohkanoahpahusas sáhttá geavahit appa bustávaid oahpahallamis, ovdamearkka dihte čállit sániid dahje cealkagiid main lea dihto bustávvajietnadat. Dieinna lágiin lea vejolaš heivehit oahpahusa ohppiid dásiid mielde.

    Appa sáhttá geavahit buot čálalaš fágain skuvllas.

     

  • Bustávain lea seamma hápmi go giehtačállagis. Hupmansyntesa lohká bustávvajietnadagaid seammás go čálát. Go deaddilat sátnegaskaboalu de dadjá olles sáni maid leat čállán. Go gaskamearkka bijat de lohká olles cealkaga maid leat čállán. Sáhtát maid merket osiid dahje olles teavstta, ja deaddilit skájanasa, nu ahte lohkansyntesa lohká merkejuvvon teavstta.

    Teavstta sáhtát juogadit juogo e-boastta dahje eará appaid bokte, čálihit dahje vurket Google drive, dahje eará balvii. 

    iPadas lea vejolaš viežžat gova govvaarkiivvas dahje kámeras. Govva boahtá bajimussii dokumeanttas. Sáhttá dušše ovtta gova ain hávális bidjat. Vuosttaš govva sihkkojuvvo jus ođđa govva boahtá sadjái. iPadas ferte “snarveier” leat aktiverejuvvon. (Innstillinger -generelt-Tastaturer- snarveier).

    Geahča video vuollelis.

    • Riektačállin ja sátneevttohusat
    • Lohkanleavttu sáhttá heivehit
    • Veahkkelinját, giehtačállin hárjehallamii
    • Bustávaid sturrodaga ja ivnni sáhttá rievdadit
    • Hupmansyntesa doaibmá neahta haga
    • Skuvlačála doaibmá maid eará appaiguin, omd. Dropbox, Evernote ja Google drive
    • Sáhttá čálihit hárjehallanárkkaid mas leat veahkkelinját, giehtačállin hárjehallamii.
    • Giella: davvisámegiella