PV lohkan - lohkangeahččaleapmi mainna kárte oainnu

PVlohkan lea geahččaleapmi mas iska lohkanfunkšuvnna. Dan bokte oažžu dieđuid movt teakstasturrodat váikkuha lohkamii vissis guhkodagain. Bohtosat, oktan visus bohtosiiguin, addet buriid dieđuid oainnu birra ja movt olmmoš atná oainnu. 

Fakta og tilgjengelighet

PVlohkan plakahta mas leat cealkagat sámegillii mat dađistaga unnot sturrodagas

Kategori: Syn, Småtrinnet (1.-4.), Mellomtrinnet (5.-7.), Ungdomstrinnet, Videregående, Voksne, Kartleggingsmateriell, Lulesamisk, Nordsamisk, Sørsamisk

Utvikler: Statped, Sport visjon

Les omtale av kartleggingsprøven på norsk.

PVLohkan lea lohkangeahččaleapmi mii lea ráhkaduvvon dárogillii MNread prinsihpaid vuođul. Statped lea heivehan geahččaleami davvi-, julev- ja lullisámegillii.

Lohkangeahččaleamis leat oanehis ja álkes cealkagat main lea álki ipmirdit sisdoalu. Cealkagat leat dan mađe álkit ahte heivehit 3. ceahki ohppiid lohkandássái. Geahččaleapmi heive sihke mánáide, nuoraide ja rávisolbmuide.

Geahččaleapmi adno nu movt dábálaš standardiserejuvvon lohkangeahččaleapmi, muhto sáhttá maiddai atnot go galgá veahkkeneavvuid geahččaladdet ja dutkamii. Teakstasturrodat unnu dađistaga logáritmmalaš skala mielde, ja dan dihte lea dárkileappo go eará lohkangeahččaleamit. Ávžžuhuvvo ahte geahččaleamit mat adnojuvvojit iskat visusa lahka ja guhkkin, ja lohkangeahččaleamit leat huksejuvvon logáritmmalaš skálá mielde.   

Visus iskkus bohtosiid buohtastahttin, ja bohtosat lohkangeahččaleamis addet buriid dieđuid oainnu birra ja movt olmmoš atná oainnu.

PVlohkan sámegillii

Ii leat vejolaš jorgalit dárogielat PVles iskkosa njuolga sámegillii go leat stuora giella ja kultuvrralaš erohusat. Sámegielas lea guhkit sánit go dárogielas, dasa lassin leat sánit ja dadjan vuogit dárogielas mat eai mearkkaš seamma sámegillii. Ođđa cealkagat mat leat dahkkon iskosii leat sámegiela ja kultuvrra vuođul ráhkaduvvon.  Ovdamearkka dihte lea sátni gákti adnon. Sátni ovddasta kultuvrralaš árvvuid mat čatnet sápmelaččaid oktii.

Váikko eanaš sámegielagat Norggas hupmet dárogiela, de ii leat dat sin eatnigiella. Sis geas sámegiella lea eatnigiellan, eai soaitte máhttit seamma bures dárogiela ja dat sáhttá váikkuhit iskosa.

 

  • Cealkagat leat ráhkaduvvon dihto hámi mielde, nu ahte ádjána lihkka guhka juohke cealkaga lohkat. Dasa lassin leat cealkagat deaddiluvvon nu ahte čálus cehkiid mielde unnu.

    Iskosa ulbmil lea mearkkašit man stuoris teaksta lea go lohkki lohkagoahtá njoazebut. Dat gohčoduvvo critical point of reading (CPR). CPR-árvu ii leat seamma go visus (Skarpsyn, muhto lea das lea mearkkašupmi lohkanfunkšuvdnii. Nu sáhttá álkit oaidnit man stuoris teaksta ferte leat nu ahte lohkki lohka álkit ja geahppasit, ja maiddai makkár stuorideapmi ferte leat.   

    PVlohkan iskosa sáhttá čađahit guovtti láhkai, standardiserejuvvon lohkangeahččaleapmin dahje dynámalaš lohkangeahččaleapmin.

    Standardiserejuvvon lohkangeahččaleapi

    Lohkan gaska galgá leat 40 cm. Oahppi lohka ovtta ja ovtta teakstaoasi. Son gii čađaha iskosa mearkkaša goas oahppi álgá lohkat njoazebut dahje lohka boastut. Nu gávdná critical point of reading (CPR)

    Dynámalaš lohkangeahččaleapmin

    Oahppi geahččala lohkat iešguđet lohkangaskkaid ja gávdná dan mii heive buoremusat. Dasto oahppi ferte ieš čilget man stuoris teaksta ferte leat, nu ahte su mielas lea álki lohkat.

    FUOM! Ávžžuhit vuos čađahit standariserejuvvon geahččaleami ja dasto dynamalaš geahččaleami. De sáhttá buohtastahttit CPR-árvvu ja dan maid oahppi ieš oaivvilda lohkangaska ja teakstasturrodaga birra.

Fant du det du lette etter?

0/250
0/250

Takk for din tilbakemelding!