TD Snap Core First (sámegillii)
TD Snap Core First lea ollislaš gulahallanreaidu mas leat gráfalaš symbolat, sin várás geat dárbbašit Molssaevttolaš ja lassi gulahallanvuogi (MLG).
- Kategori: Språk/tale, Sammensatte lærevansker, Apper/programvare, iOS, Windows, Bokmål, Nordsamisk, Tidlig innsats, Alternativ og supplerende kommunikasjon (ASK)
- Pris: Ollislaš veršuvnna sáhttá oažžut guovtti vuogi mielde: 1. Veahkkeneavvun Tobii Dynavox:as. Dalle čuvvot guokte liigelinseanssa, vai sáhttá geavahit TD Snap hupmansyntesain olles 3 ovttadagain. 2. Oastit appa AppStore:as. Dalle lea abonemeantačoavddus mii máksá 199 ruvnno mánnosaččat. Dalle čuovvu 1 liseansa oktan hupmansyntesain.
- Systemkrav: iOS, Windows
- Utvikler: Dárogillii Tobii Dynavox Norge. Prográmma lea Statped/Sámi earenoamášpedagogalaš doarjalus (SEAD) jorgalan ja heivehan davvisámegillii, prošeaktajoavkku Lone Nergård Boine, Marit Inger Pulk, Solveig Kristine Oskal ja Bente Martinsen bokte, ovttasbargguin Tobii dynavoxain. Sámediggi lea resurssaid juolludemiin dahkan vejolažžan čađahit dán prošeavtta.
Les omtale av TD Snap Core First på norsk.
Gulahallat eará ládje go hupmangielain gohčoduvvo Molssaevttolaš ja lassi gulahallanvuohki (MLG). TD Snap Core First lea gulahallanreaidu mii addá vejolašvuođa gulahallat gráfalaš symbolaid bokte, dál maiddái davvisámegillii.
Sámegielat veršuvnnas leat badjelaš 13000 symbola. Juohke symbola lea čadnon sátnái, frásii dahje cealkagii.
Prográmma sáhttá heivehit ovttaskas dárbbuid mielde. Das sáhttá ovdamearkka dihte redigeret boaluid, čiehkat ja lasihit symbolaid, báddet jiena, justeret siidosturrodaga ja ráhkadit sierra siidduid.
Sámegielat hupmansyntesa
Prográmmas lea sámegielat hupmansyntesa, sihke nisson- ja dievdojietna. Dat mielddisbuktá ahte daid boaluid maid deaddila prográmmas, dadjojit sámegillii dahkkonjiena bokte.
Badjelaš 250 ođđa PCS-symbola čadnon sámi kultuvrii
Prográmmas lea PCS-symbolat. PCS (Picture Communication Symbols) lea čoakkálmas standardiserejuvvon gráfalaš symbolain mat geavahuvvojit doarjjan gulahallamii ja giellaovdáneapmái. PCS lea eanemus geavahuvvon symbolačoakkálmas máilmmis, maiddái Norggas.
Prográmma sámegielat veršuvnnas leat badjelaš 250 ođđa PCS-symbola mat leat čadnon sámi kultuvrii ja gillii. Dát gusket earret eará árbevirolaš mállásiidda, sámi čiŋaide, boazodollui, sámi historjái, stohkosiidda muohttagis, murjemii, suidnemii, guolásteapmái, lávostallamii, meahcástallamii ja Davvi-Norgga lundui.
10 ođđa fáddásiiddu
Dasa lassin leat sámegielat veršuvnnas lassin 10 fáddásiiddu čadnon sámi kultuvrii ja gillii, earret eará sámi álbmotbeaivi, giellavahkku, lávostallan ja oaggut jieŋa alde.
Diehtofilmmat sámegillii
Statped lea ráhkadan diehtofilmmaid sámegielat veršuvnna birra TD Snap Core Firstas:
TD Snap Core First sámegillii
TD Snap Core First Skuvllas
TD Snap Core First mánáidgárddis
TD Snap Core First astoáiggis
TD Snap Core First gárddis
Filmmat čájehit reaiddu geavaheami mánáidgarddis, skuvllas ja ruovttus, ja ođđa PCS-symbolat mat sáhttet geavahuvvot gárdde luhtte.
Fuomášumit geavaheapmái
På Tobii Dynavoxa neahttasiidduuin gávdnojit eanet dieđut prográmma birra, doppe lea earret eará Geavaheaddjebagadus (dárogillii).
Geahča filmmaid TD Snap Core First birra Tobii Dynavoxa Youtube-kanálas (filmmat lea dárogillii). Doppe gávdnojit maid filmmat earret eará dan birra movt redigeret prográmmas ja iešguđetlágan funkšuvnnaid birra prográmmas.
Loga PCS-symbolstart – birra maid – dan lea vuogas geavahit ovdal go geavahišgoahtá TD Snap Core First prográmma.
Loga eanet MLG birra sámegillii diehtogihppagis maid Statped ja ISAAC leat ráhkadan. Muđui gávdno eanet diehtu MLG birra dárogillii Statpeda neahttasiidduin.