Til hovedinnhold

Guldal Lále davvisámegiella/nordsamisk

Guldal Lále lea appa mas ulbmil lea ovddidit guldalangálggaid. Appa lea vuosttažettiin jurddašuvvon doarjjan guldalan- ja hállangiellaovdáneamis mánáide geain leat gulluváttisvuođat. Sáhttá maid leat anolaš mánáide geat leat oččodeamen davvisámegiela.

appikon larve som vinker
  1. Kategori: Hørsel, Språk/tale, Barnehage, Småtrinnet (1.-4.), Mellomtrinnet (5.-7.), Apper/programvare, iOS, Nordsamisk, Ord- og begrepsopplæring
  2. Pris: Nuvttá
  3. Systemkrav: iOS 9.0
  4. Utvikler: Sámi earenomášpedagogalašdoarjja (SEAD)/Statped. Sámediggi lea resurssaid juolludemiin dahkan vejolažžan čađahit dán prošeavtta. Prošeaktajoavku:, Kirsten Wirkola, Janicke Eliassen, Gunn Irene Suhr ja Tor Persen. Programmerár: Tim Valio. Illustrašuvnnat: Liisa Helander.

Guldal Lále lea vuosttazettiin vuođđuduvvon dovdát eaŋkalsániid. Sánit leat biddjon oktii párran sierra dovdomearkkaid mielde, ja buohkat dahket iešguđetlágan jietnavuostálasvuođaid. Álkimus dási vuostálasvuođat leat sánit main leat iešguđetlágan stávvallogut, eará sániiguin iešguđetlágan sátneritma. Boahtte dássi lea vuostálasvuohta sániid gaskkas main leat iešguđetlágan vokálat, ja maŋimuš dássi lea vuostálasvuohta iešguđetlágan konsonántašlájain. Appa lea ráhkaduvvon dan jurdagiin ahte dahkat vejolažžan ollu geardduhemiid daddjojuvvon sániin. Sátnepárat ovdanbuktojuvvojit iešguđetlágan sátneortnegis, nu ahte alu bohtet ođđa sátnepárat.

Guldal Lále sisttisdoallá njeallja bargamuščoahkkešlája:

  • Sátnesorteren: Dovdát sátnejietnapáhkaid ja goallostit oaivila daidda gova vehkiin.
  • Memory: Oažžut ollu geardduhemiid dain sátnepárain mat ovdal leat čájehuvvon ja nu nannet muittu sániin.
  • Fáddá: Dovdát sániid mat ovdal leat čájehuvvon oanehis cealkagiin.Čatnat sániid oktii fáttáid mielde.
  • Muitte sániid: Muitit máŋga sáni rivttes ortnetvuorus.