Myhre matematihkkakárten vuođđo- ja joatkkaskuvlii Davvisámegiella

Myhre matematihkka kárten lea buorre reaidu gávnnahit mo oahpahusa láhčit nu ahte dat heive ovttaskas oahppái ja su dássái. Go vuolggasadji lea oahppi iežas dássi, ja oahpaheaddji láhčá oahpahusa nu ahte heive buoremusat oahppái, de maid johtileabbo lassána áddejupmi matematihkkii.

Lea máŋga vuogi mo geavaha matematihkkakártema:

• Kártenvárddus
• Spesifihkka ja intensiiva kárten

Oahpahusdilli addá oahpaheaddjái hui buori vejolašvuođa dárkut čuvvot go oahppit mielde ja nagodit go čoavdit bargguid iešheanalaččat, vai dárbbašit go ollu veahki earáin.

Deháleamos ulbmil fágaoahpahusain joatkkaskuvllas lea ovddidit ohppiid máhtuid ja gálggaid nu ahte sii sáhttet geavahit matematihka ávnnasfágan maŋŋil eallimis. Ja go dien ulbmil galgá olahit, de lea ge hui dárbbašlaš čađahit funkšunealla kártema mas duođai lea ávki, mii čájeha maid oahppi máhtá ja maid ii máhte, ja movt su oaidnu lea fágii, vai sáhttá fállat heivehuvvon ja ulbmillaš oahpahusa.

Dán kárteniskama sáhttá čađahit olles luohkás dahje ovttaskas oahppin.