Til hovedinnhold

20 gatjálvisá giellatjehpudagáj birra julevsábmáj/lulesamisk

Guoradallamvædtsak mihttit mánáj ja nuoraj giellatjehpudagájt, gåktu sij gåvosvuogádagájt háldadi ja gåktu sijá aktijvuoda iehtjádij li.

Åvddåbielle 20 gatjálvisá
  1. Kategori: Språk/tale, Småtrinnet (1.-4.), Mellomtrinnet (5.-7.), Kartleggingsmateriell, Lulesamisk, Nordsamisk
  2. Format: PDF
  3. Utgiver: Statped
  4. Forfatter: Buvtadiddje: Sáme sierrapedagogalasj doarjja (SEAD)/Statped. Prosjæktajuogos:Anne Dagmar Biti Mikalsen, Tor Persen og Kirsten Wirkola. Julevsámegiellaj: Lars Theodor Kintel

Les om 20 gatjálvisá på norsk.

Loga 20 gažaldaga birra Davvisámegiella.

20 gatjálvisá le guoradallamvædtsak majna mihttit mánáj ja nuoraj giellatjehpudagájt gájkka oahppijn vuodoskåvlån.

20 gatjálvisá vaddá jåhtelis ja luohtedahtte guoradallamav mánáj ja nuoraj giellatjehpudagájn. Guoradallam vihpá birrusij 10 minuhta sjiemáv dievddet juohkka mánnáj/oahppáj. Oanegin la vejulasj guoradallat gájkka mánájt skåvlån ja gájkka mánájt maŋemus jage mánájgárden. Guoradallam vaddá buorre vuodov gå galga ielvvet mánájt gudi dárkkelap guoradallamav dárbahi. Guoradallam 20 gatjálvisá vaddá mánájgárddáj ja skåvllåj jasskisvuodav diehtet mánáj ja oahppij birra gænna vuojnunagi ælla sierra hásstalusá, ja diehtet siján ælla ga giellagássjelisvuoda.

Giellagássjelisvuodajt máhttá liehket gássjel ielvvet, ja muhtem máná e oattjo dav viehkev majt dárbahi åvddål ilá guhka ájgge gållå. 20 gatjálvisá le ájnas vædtsak ielvvet giellagássjelisvuodajt árrat ja le ávkken dan diehti vaj mánájgárde ja skåvlå åvtåsvásstádus bærrájgåhtseduvvá.

Sjiemá adno

Alodip sjiemáv adnet mánájda ja nuorajda gaskan 5 ja 16 jage. Jåksåmmihto li hiebaduvvam dan dássáj majt máhttá vuorddet dábálasj avtagielak mánájs.

Árvustallam

Sjiebmá la vuododuvvam máná giellamáhtudahkaj ludtjusasj mánáj gáktuj. Danen la gatjálvis mav galggá vásstedit: “Ietjá mánáj gáktuj gudi li sæmmi álldarin, man buoragit hiehpá tjuovvovasj javllamus dán mánnáj?” Ane skáláv 1 rájes gitta 5 rádjáj. Buojkulvissan la akta gárgadis: “Åhtså gus mánná riekta bágojt”. Jus dát javllamus ij hieba mánáv gåvvidit, de ruossista 1. Jus javllamus hiehpá, de ruossista 5. Jus javllamus la muhtem mudduj riekta, ruossista lågov 1 ja 5 gaskan.

Sámedigge l juollodimijn doarjjum ja dahkam vejulattjan prosjevtav tjadádit.