Til hovedinnhold

Foniebmgæhttjalibme julevsámegiellaj/lulesamisk

Foniebmgæhttjalibme julevsámegiellaj guoradallá máná jiednadimvuogádagáv. Gæhttjalimev máhttá tjadádit mánáj gudi bágojt ietjáláhkáj jiednadi, ållessjattuga hållamnårma milta, jali jus ietján aj sihtá máná jiednadimev tjielgadit.

Tekst" Foniebmgæhttjalibme julevsámegiellaj"
  1. Kategori: Språk/tale, Språkforstyrrelser, Barnehage, Småtrinnet (1.-4.), Kartleggingsmateriell, Lulesamisk, Tidlig innsats
  2. Språk: Nuortta-, julev- ja oarjjelsámegiellaj
  3. Pris: 450 kroner
  4. Utvikler: Statped, 2018.

Foniebmagæhttjalime ulmme l gávnadit makkir jiednadimijt mánná jiednat ja/jali álkket álkkedimprosessaj baktu. Dan vuodon máhttá gávnadit jus mánán li jiednadimgássjelisvuoda ja biedjat dåjmajt jåhtuj.

Gæhttjalibme ávttjiduvvá aneduvvat nieljejagágijda, valla máhttá aj nuorap mánájda aneduvvat. Gæhttjalibme máhttá jådeduvvat logopedajs, sierrapedagåvgåjs jali iehtjádijs gudi dárbahi mánáj jiednadimijt guoradallat.

Foniebmagæhttjalimen julevsámegiellaj li guokta oase: Gåvvågirjje ja mierkkimsjiebmá prosæssaanalijsajn. Guoradaládahttijn aneduvvá Gåvvågirjje ja Mierkkimsjiebmá, ja dålkkudijn vas Prosæssaanalijssa.

Mánnáj vuoseduvvá gåvvågirjen akta gåvvå ájgen. Dan båttå gå mánná gåvåjt nammat, tjáles guoradallamjådediddje gåktu mánná javllá bágojt transskribierima baktu. Dasi duodden máhttá tjálestit jus li makkirak mierkkidusá máná jiednadimen ja jus mánná oadtju viehkev gålmå vuoge milta. Mihtto l mánná javllá ulmmebágov.

Gåktu båhtusijt dålkkut

Prosæssaanalijsan li tabella ma iesjguhtiklágásj álkkedimprosessajt guoradalli. Analijsan galggá álgon máná javllamusájt dievddet, ma li mierkkimsjiemán, tabellajda. Gå la divna bágojt dævddám tabellajda, de galggá gæhttjat galle bágon prosæssa aneduvvá bágo álgon, guovddelin ja låhpan. Jus mánná álkkedimprosessav adná unnemusát 3-5 bágon gæhttjalime prosæssaanalijsan, de sån adná prosessav aktijvalattjat Ávttjiduvvá bæjválattjat máná gielav dárkestit ja gulldalit, duodden gæhttjalimguoradallamij. Dalloj máhttá bæjválasj jiednadimijt buohtastahttet gæhttjalimbåhtusij, ja båhtusa nanniduvvi.

Ienep diedo foniebmagæhttjalime birra gávnnuji bagádallamgirjátjin nuorttasámegiellaj.