Om Statped
Statped yter tenester for barn og elevar med behov for varig og omfattande tilrettelegging i barnehage og skule. Dette gjer vi gjennom å hjelpe PPT med tenester og kompetanseutvikling, gi opplæring i og på teiknspråk, på samisk og ved å produsere læremiddel og materiell.
-
Organisasjon Statped er eit tenesteytande fagdirektorat underlagt Kunnskapsdepartementet. Slik er vi organiserte.
-
Våre tenester Statped tilbyr tenester for barn, elevar og laga rundt dei, samiskspråklege, organisasjonar og UH-sektoren. Her kan du lese meir om tenestene våre.
-
Brukarmedverknad Statped har seks brukarråd som fremjar brukarperspektivet i strategisk viktige saker og prosessar. Les meir om brukarmedverknad og årsrapportar her.
-
Strategi 2023-2027 Statpeds strategi har seks innsatsområde som møter utfordringar vi ser i opplæringssektoren. Her finn du heile strategien.
Statped arbeider for at barn og elevar med særlege opplæringsbehov skal få eit heilskapleg pedagogisk tilbod der kompetansebyggjande og inkluderande tiltak, læremiddelutviklinga og teiknspråkopplæringa heng godt saman med det allmennpedagogiske tilbodet.
Statped er Noregs største kompetansemiljø for spesialpedagogikk, teiknspråk og tilrettelagde læremiddel
Begripen elev inkluderer vaksne i opplæring og lærlingar.
Lik kvalitet og lik tilgang
Oppgåva vår er å byggje og halde spisskompetanse ved like på fagområde der utfordringane er så sjeldne eller komplekse at kommunar og fylkeskommunar ikkje kan ventast å ha den nødvendige kompetansen. Rådgivarane våre reiser ut til kommunen der barnet eller eleven bur. På den måten sikrar vi at dei får same høve til læring, utvikling og deltaking i ein inkluderande fellesskap.
Gjennom vår spør oss-tjeneste drøftar og rettleier vi også på telefon eller via e-post om spesialpedagogiske utfordringar med eit heilskapleg og fleirfagleg blikk.
Statped tilbyr tenester innanfor områda syn, høyrsel, kombinerte syns- og høyrselstap, døvblindheit, samansette lærevanskar, språk og tale, alternativ og supplerande kommunikasjon (ASK), og dessutan erverva hjerneskade. Våre tenester er ofte tverrfaglege fordi mange barn og elevar har komplekse utfordringar.
Teiknspråk og samisk
Vi tilbyr teiknspråkopplæring for elevar med nedsett høyrsel, og teiknspråkkurs for foreldra og søskena deira. I tillegg har vi kurs for tilsette i barnehagar og skolar. Statped har eit tilbod om grunnskole og vidaregåande skole for elevar med medfødd døvblindheit ved Diamanten skole i Oslo.
Statped tilbyr landsdekkjande spesialpedagogiske tenester innan alle fagområde til samiske barn og elevar, på både nord-, lule- og sørsamisk, samt norsk, gjennom vår samisk spesialpedagogisk teneste.
Kunnskapsutvikling
Vi utviklar, legg til rette og produserer læremiddel og pedagogisk materiell for teiknspråklege, blinde og sterkt svaksynte.
Statped bidreg til utdanningar og forskingsbasert kunnskapsutvikling innanfor våre fagområde ved universitet og høgskolar.
Vi gir faglege råd til Kunnskapsdepartementet i saker som gjeld barn og elevar med særskilde opplæringsbehov. Vidare systematiserer vi kunnskapen vår for å bidra til politikkutvikling og forvaltning. Departementet styrer Statped gjennom årlege tildelingsbrev (regjeringa.no).