Statpeds strategi 2023–2027

Statpeds strategi 2023–2027 har seks innsatsområde som møter utviklingstrekk og utfordringar vi ser i opplæringssektoren.

Statped skal styrke

det kunnskapsbaserte og praksisnære kompetansetilbodet som treff behova i kommunar og fylkeskommunar
kompetansen om språk og kommunikasjon som grunnlag for deltaking, læring og utvikling for målgruppene våre
det spesialpedagogiske arbeidet med samiske barn og elevar
kompetansen til barnehagelærarar og lærarar i å nytte læremiddel for blinde, svaksynte og teiknspråklege
samarbeidet med universitets- og høgskulesektoren ved å identifisere og følgje opp behov for innovasjon, forsking og utdanning
rolla som tenesteytandre fagdirektorat, og vere ein synleg, tilgjengeleg og relevant aktør i opplæringssektoren

Utfordringsbilete

Det er mangel på spesialpedagogisk kompetanse på alle nivå i opplæringssektoren.

Forsking dokumenterer at kvaliteten varierer i allmennpedagogiske tilbod, spesialpedagogiske tilbod og tilbod til teiknspråklege.

Statped vil

arbeide med systematisk kompetanse- og kvalitetsutvikling i barnehagar og skular
byggje kompetanse hos personalet
bidra til tidleg innsats
bistå i å utvikle tilpassa pedagogiske tilbod og inkluderande læringsmiljø

Det er ei stor utfordring at tenesteapparatet framstår som fragmentert og lite koordinert.

Systematisk arbeid for å auke kvaliteten og likeverdet i opplæringa krev koordinert og samordna innsats på fleire område.

Statped vil

vere ein tydeleg, tilgjengeleg og attraktiv samarbeidspartnar
bidra med relevant kompetanse i samarbeidet med aktørar på ulike forvaltningsnivå både i og utanfor opplæringssektoren

Digitalisering spelar ei stadig viktigare rolle for å møte moglegheitene innanfor spesialpedagogikk i dag og i framtida.

Det er ei utfordring å følgje med på utviklinga, ha naudsynt kompetanse og gjere nytte av han.

Statped vil

vere pådrivar for at nye digitale moglegheiter bidrar til aukande inkludering i barnehagar og skular
jobbe med utvikling og riktig bruk av digitale læremiddel og læringsressursar
arbeide for aukande digital tilgjengelegheit, betre samhandling og meir brukarvennlege tenester

Målet er at barn, unge og vaksne med særskilde opplæringsbehov skal oppleve trivsel og meistring i inkluderandre læringsfellesskap, og at dei får eit tilfredsstillande og godt læringsutbytte.

Inkludering i barnehagar og skular handlar om at alle barn og elevar skal oppleve at dei har ein naturleg plass i fellesskapen. Dei skal kjenne seg trygge og kunne erfare at dei er viktige. Dei skal få medverke i å utforme tilboda sine for å oppnå meistring og få eit tilfredsstillande læringsutbytte.

Det du til no har lese, er eit utdrag av Statpeds strategi 2023–2027. I pdf-ene nedanfor finn du heile strategien, mellom anna også interne innsatsområde.

Strategi bokmål (pdf)

Strategi nynorsk (pdf)

Strategi nordsamisk (pdf)

Side 3 av 13

Om Statped