Til hovedinnhold

Statpeda dievnástusa

Gåktu åhtsåt Statpeda dievnastusájda?

BARGA GUS PP–DIEVNASTUSÁN?

Dat le «akta uksa man tjadá tjáŋa» Statpeda dievnastusájda. Åtså dievnastusájda muhtem åtsålvissjiemá baktu statped.no næhttabájken. Åhtsåmus dievnastusájda sáddiduvvá dan guovlluj manna åhttse suohkan jali fylkkasuohkan le.

Ållesájgge- ja bielleájggeåhpadime åhtsåmus Statpeda oajvvekontåvrråj sáddiduvvá.Åhtsåmussjiemáv dáppe gávna: statped.no/soknad.

Ájnegisá dievnastusá åhtsåmusáv vuollájtjálli:

  • æjgáda, oahttse jali åhttse iesj jus le badjel 15 jage ja sujna le miededimvejulasjvuohta
  • PPT:a jådediddje
  • ulmusj gænna le háldaluslasj ja rudálasj åvdåsvásstádus suohkanin jali fylkkasuohkanin
Systemvuododum dievnastusáj åhtsåmus suohkanijda jali fylkkasuohkanijda galggá vuollájtjáleduvvat ulmutjis gænna le háldaduslasj ja rudálasj åvdåsvásstádus guoskavasj suohkanin jali fylkkasuohkanin.

BARGA GUS MÁNÁJ-GÁRDEN, SKÅVLÅN JALI ÅLLESSJATTUK-ÅHPADIMEN?

Statpeda næhttabájken statped.no besa sierrapedagogalasj fáttajda oahpásmuvvat. Dájt diedojt besa adnet mánájgárdij ja skåvlåj bargon. Mánájgárdijda, skåvlåjda ja ållessjattukåhpadibmáj soajttá liehket sáhka sihke ájnegisá ja systemvuododum dievnastusáj birra.

Jus Statpeda dievnastusájt dárbaha de galga ietjat bájkálasj PP-dievnastusájn aktijvuodav válldet.

BARGA VARRESVUODASUORGEN?

Vuosedibme varresvuodaviddnudagás galggá sáddiduvvat dan Statped-guovlluj gånnå addne årru.

Varresvuodasuorge vuosedime soajtti boahtet daj suorgijn gånnå le sjiehtadam Statped galggá dievnastusájt fállat. Dalloj ij dárbaha Statpeda åhtsåmussjiemájt adnet.

Dákkir vuosedime giehtadaláduvvi ájnegisá dievnastusá åhtsåmussan. Ienep diedo dán birra dáppe gávna: statped.no.

Li gus dujna gatjálvisá Statpedaj?

Statped le barggamin elektråvnålasj “ruodná linjav” åvddånahttemin mij sjaddá jæsko-vásstedip-dievnastus statped.no. næhttabájken. Dáppe besa gatjádallat gatjálvisájt ma mijá fáhkabarggijs vássteduvvi.

Dallutjij gitta dát dievnastus le gárves, de besa válldet aktijvuodav Statpedajn dánna: post@statped.no.

Jus li gatjálvisá ma guosski Statpeda girjijda, filmajda jnv, de máhtá e-påstav dási sáddit: redaksjon@statped.no.

Sidá gus nævojt Statpedas diŋŋgut?

Máná diehki Læringsressurser dåppe gávna ålles listav dassta mij le åvddånahtedum, almoduvvam ja vuobddemij biejaduvvam Statpeda bieles. Duodden vuojná aj ietjá sierrapedagogalasj nævojt.

Side 5 av 7