Til hovedinnhold

Statpeda dievnástusa

Makkir dievnastusájt fállá Statped?

Statpeda dievnastusá soajtti ájnegisá ja/jali systemvuododum. Barggamvuoge sihke ájnegisá- ja systemdásen galggi doarjjot sebradahtte åhpadime, bargo ja sebrudakiellema prinsihpav. Statped fállá dievnastusájt suohkanijda ja fylkkasuohkanijda gå

  • li tjielgadam ja dåjmajt jåhtuj biedjam váni båhtusij majt sávvam lidjin
  • ij máhte vuorddet dajn le máhtudahka
  • Statped árvustallá bierri máhtudagáv tsieggit bájkálattjat
Muhttijn Statped soajttá dåjmajt jåhtuj biedjat váni dåjmajt gæhttjalimes bájkálattjat. Dát máhttá liehket duola dagu gå le riegádam muhtem dåbdudagá(j) dagi jali vuojŋŋamvihke mav le oadtjum. Duodden suohkanijda ja fylkkasuohkanijda dievnastusájt fállat, galggá Statped liehket máhtto- ja ressurssaguovdásj gájkajda gudi juoktá li tjanáduvvam jali berusti sierrapedagogalasj suorges. Dát mierkki duola dagu bargge skåvlåjn ja mánájgárdijn bessi oahpásmuvvat Statpeda diehtokanálaj sierrapedagogalasj diedojda. Ressursa li lahkusit árkkabæjvváj tjanádum ja galggi ávkken liehket sijá bargon.

Dievnastusá ájnegisájda

Dievnastusá ájnegisájda li dievnastusá ma li muhtem nammadum ulmutjij tjanádum. Ájnegisáj dásen fáladuvvi duola dagu dá dievnastusá:

  • Sevvamgiella-addnij bielleájgge-åhpadime
  • Tjalme- ja bieljedime ja sevvamgielak oahppij ållesájgge-åhpadibme
  • Kursa æjgádijda ja åvdåstiddjijda
  • Kursa addnijda
  • Bájkálasj máhttolåpptim
  • Tjielgadibme
  • Dåjmaj åvddånahttem ja evaluerim
  • Bagádallam, rádevaddem ja rádádallam

Systemvuododum dievnastusá

Systemvuododum dievnastusá li dievnastusá ma ælla nammadum ulmutjijda. Systemdásen fállap duola dagu dájt dievnastusájt:

  • Lågådallama
  • Bájkálasj máhttolåpptim ja kursa
  • Prosjæktaoassálasstem
  • Studænntabargo
  • Oahpponævoj åvddånahttem
  • Bagádallam, rádevaddem ja rádádallam

Strategalasj adno teknologijas

Vuodulasj tjehpudagájt buktet le dárbulasj jus galggá oahppat ja åvddånit åhpadimen, bargon ja sebrudakiellemin. Teknologija diehti oadtjop ådå vejulasjvuodajt tjálalattjat åvddånbuktet, låhkåt ja riekknit, valla aj ådå vejulasjvuoda dájt tjehpudagájt åmastit, ja digitála ræjdojt adnet.

Statped galggá viehkken váj álkkádusteknologija åvddånahteduvvá ja adnuj váldeduvvá ávkken mánájda, nuorajda ja ållessjattugijda gejn li sierralágásj åhpadimdárbo. Álkkádusteknologija le systemáhtalasj ja strategalasj adno digitála teknologijas.

Dutkam- ja åvddånahttembarggo (DjÅ)

Statped le tjanástahka universitehta- ja allaskåvlåsuorge ja praksissuorge gaskan. Statped strategalattjat barggá váj ådå máhtov åvddånahttá praksislahka dutkama vuodon. DjÅ-strategija dán bargo gáktuj hábbmiduvvá.

Sosiála ja kultuvralasj dåjma

Danen gå kultuvralasj ja gielalasj identitehtta aktisasjvuodan åvddånahteduvvá, galggá Statped dilev láhtjet sosiála ja kultuvralasj arenajda gåggu addne bessi æjvvalit.

Side 4 av 7