Til hovedinnhold

Fágagelbbolašvuohta

Statpedas lea viidát čohkkejuvvon ja alla fágalaš gelbbolašvuohta. Dan dovdomearka lea ahte bargiin leat iešguđetlágan ovttastuvvon oahput, dutkangelbbolašvuohta ja bargohárjáneapmi sihke skuvllas ja/dahje mánáidgárddis.Statped bargá máŋggafágalaččat. Dat mearkkaša ahte fágabirrasiid gaskkas lea lagas ovttasbargu.

Statped ovddasvástádus lea sihkkarastit njunušgelbbolašvuođa fágasurggiin

  • bealjehis-ja čalmmehisvuohta / ovttastuvvon oaidnin- gullanváttut
  • bohciidan vuoiŋŋašvihki
  • gullu
  • seagáš oahppanváttut
  • giella ja hupman
  • oaidnu

→ Loga makkár erenoamáš bálvalusfálaldagat leat iešguđege fágásuorggis

Statped sáhttá, dain fágasurggiin mat leat Statpedas, veahkehit suohkaniid ja fylkkasuohkaniid earenoamášpedagogalaš heivehanbargguiguin mánáide ja nuoraide geain lea minoritehtaduogáš. Dat leat mánát ja nuorat geain lea eará kultur-ja gielladuogáš go dáru dahje sámi mánáin ja nuorain.

Statped bargá maid eará vejolaš ja dievasmahtti gulahallamiin (alternativ og supplerende kommunikasjon (ASK)). Dat fátmmasta gulahallanvugiid mat dorjot dábálaš hupmama dahje bohtet dan sadjái, ja lea dakkár olbmuid váste geain lea unnit dahje váilevaš vejolašvuohta ovdanbuktit hupmamiin.

Vuoigatvuohta oažžut dákkár ASK fálaldaga, lea nannejuvvon oahpahuslága § 2-16 ja § 3-13. Bagadallan mii guoská ASK fálaldahkii, lea oassi Statped fálaldagain, iešguđetge fágasurggiin mat Statpedas leat.