Til hovedinnhold

Makkár bálvalusaid fállá Statped?

Statped bálvalusat sáhttet leat sihke indiviida- ja/ dahje vuogádatvuđot bálvalusat. Sihke indiviida- ja vuogádatdási bargovuogit galget leat huksejuvvon searvidahtti oahpahusa, barggu ja servodateallima vuođđojurdagii. Statped fállá bálvalusaid suohkaniidda ja fylkkasuohkaniidda go:

  • dat leat čielggadan ja álggahan doaimmaid almmá sávahahtti bohtosiid haga
  • dain ii sáhte vuordit doarvái gelbbolašvuođa
  • Statped árvvoštallá ahte ferte hukset gelbbolašvuođa báikkálaččat

Muhtun oktavuođain sáhttá Statped álggahit bálvalusaid vaikko vel doaimmat eai leat ge geahččaluvvon báikkálaččat. Dat sáhttá leat ovdamearkkadihte jus riegádeamis juo lea oaidninvihki dahje jus lea ožžon vuoiŋŋašvigiid.

Indiviidavuđot bálvalusat

Indiviidavuđot bálvalusat leat bálvalusat mat lágiduvvojit nammejahkii olbmo váste. Indiviidadásis fállojuvvojit earet eará dákkár bálvalusat:

  • Oasseáiggeoahpahus mearkagiellageavaheddjiide
  • Ollesáiggeoahpahus bealjehisčalmmehis ohppiide ja giehtagielat ohppiide
  • Kursa váhnemiidda ja ovddasteddjiide
  • Kursa geavaheddjiide
  • Báikkálaš gelbbolašvuođanannen
  • Čielggadeamit
  • Doaibmabijuid ovddideapmi ja árvvoštallan
  • Bagadallan, rávven ja ráđđádallan

Vuogádatvuđot bálvalusat

Vuogádatvuđot bálvalusat leat dakkár bálvalusat mat eai ásahuvvo nammejahkii geaid ge várás. Vuogádatdásis fállojuvvojit earet eará dákkár bálvalusat:

  • Logaldallamat
  • Báikkálaš gelbbolašvuođaovddideapmi ja kurssat
  • Prošeaktaoassálastin
  • Studeantabargu
  • Oahpporesurssaid ovddideapmi
  • Bagadallan, rávven ja ráđđádallan