Ii go mu mánná hállagoađe fargga? Ale vuordde ja geahča!
Dán gihppagis leat dieđut dan birra mii molssaevttolaš ja lassi gulahallanvuohki (MLG) lea, manne dat lea dehálaš ja movt don sáhtát veahkehit iežat máná ovdánahttit iežas giela.
Diehtojuohkingihpa
Diehtojuohkingihpa váhnemiidda ja fuolaheddjiide MLG birra
Gulahallat eará láhkai go hállangielain gohčoduvvo Molssaevttolaš ja lassi gulahallanvuogit (MLG).
«Ii go mu mánná hállagoađe fargga? Ale vuordde ja geahča!» lea diehtojuohkingihpa váhnemiidda ja fuolaheddjiide geat iešguđet sivaid geažil eai sáhte hállama bokte ovdanbuktit iežaset. Muhtun eamisivat dagahit ahte mánná maŋŋit hállagoahtá, muhtumat eai hála čielgasit, ja muhtun mánát ges eai oaččo doaibmi hállangiela. Dát guoská mánáide geain leat máŋga iešguđetlágan diagnosa. Maiddái mánát geain ii leat diagnosa dihtosis, sáhttet rahčat hállangielain. Mánát, nuorat ja ollesolbmot sáhttet dávdda dahje lihkohisvuođa geažil massit hállandáiddu.
Gihpa lea ráhkaduvvon ovttas Isaac Norgein.
Guoskevaš resurssat
Mearka
Mearka app lea mearkasátnegirji davvisámegillii. Web-appas leat 1255 mearkka oktan sániiguin davvisámegillii.
PCS-symbolaálgu
PCS-symbolaálgu lea oassi gulahallanreaiddus TD Snap. Dan lea vuogas geavahit vuosttaš lávkin go galgá oahpásmuvvat ja geavahišgoahtit MLG …
TD Snap Core First
TD Snap Core First lea ollislaš gulahallanreaidu mas leat gráfalaš symbolat, sin várás geat dárbbašit Molssaevttolaš ja lassi …