Matematihkkaváttesvuoda

Matematihkkavátto l bajepdáse buojkuldahka mij moattelágásj hásstalusájt sisadná. Divna dá oahppe rahtji vuodulasj matematihkalasj tjehpudagáj åmastimen jali siján la vuollegis ulmmeållidibme fágan ájge badjel. Náginij hárráj badján dát sierralágásj oahppamvátto diehti, iehtjádijda vas máhtti liehket moattelágásj sivá.

Nammadus “sierralágásj matematihkkavátto” aneduvvá gå oahppamváddo tjielggiduvvá oahppamváddon mij åvddånibmáj guosská (ICD-11). “Dyskalkulijja” l vuojŋamvihke majna ij la riegádam, man diehti álkkes matematihkalasj riekknim la hedjunam ja ij la desti sæmmi dásen gå ulmutja åbbålasj intellevtalasj doajmmadásse (ICD-11).

Muhtem merka máhtti liehket: 

• Oahppe ballá matematihkas jali javllá álu “dáv iv máhte”. 
• Ballá, garvvá jali ij másja matematihkajn. 
• Vájvve jali rubbmelasj unugisvuohta (dagu oajvveluottudahka jali tjoajvvebáktjasa) mij la tjanáduvvam matematihkkabargojda jali gæhttjalimijda. 

Matematihkkavátto máhtti vájkkudit sihke fágalasj åvddånibmáj ja soapptsomij. Oahppe gudi ájge badjel vásedi e rijba, ælla desti måvtuga, gæssádi ja vuollegis iesjdåbdov oadtju. Nágin oahppijda dat aj vájkkut sijá máhttelisvuohtaj tjuovotjit ietjá fágajn ma matematihkkafága nali tsieggiduvvi. 

Le, moadda oahppe gejn li matematihkkavátto, rahtji aj duola degu gielajn, mássjelisvuodajn, mujtujn jali åbbålasj oahppamijn. Danen la åbbålasj árvustallam ájnas.