Berustimkárttimsjiebmá – oahppamij ja soapptsomij

Berustimkárttim gåhttju pedagåvgåjt ja huksopersåvnåjt sjuggelijt oahppamulmijt ja dåjmajt jåhtuj biedjat, máná berustimijn vuodon.  

Kárttimræjdo pedagåvgåjda ja huksopersåvnåjda.

Kárttimav máhttá moatte láhkáj tjadáduvvat ja hæhttu hiebaduvvat persåvnå máhtukvuodajda. Ávkálasj máhttá aj diedojt persåvnå berustimij birra æjgádijs jali ietjá åvdåstiddjijs oadtjot. 

Miján li iesjguhtiklágásj berustime. Mánájda ja nuorajda iesjgeŋgalágásj hásstalusáj li diedo berustimij birra ájnnasa vuodon hiebadibmáj. Gå galggap dåjmajt hiebadit de la ávkálasj diehtet persåvnå nanos bielij birra. Mij oahppamav, varresvuodav ja soapptsomav åvdet? Dáj diedoj vuodon la máhttelis tjoavddusav gávnnat. 

Kárttit berustimijt la vuohke persåvnå jienav buktet åvddån ja berustime subtsasti persåvnå birra. Jus dåjma li hiebadum berustimij milta, de buorre iesjdåbddo ja arvusmahttem nanniduvvá, mij boahtá ávkken oahppamij. 

Gå dahkamusájt galggá tjadádit ma e njuolgga berustibmáj dejva, de muhttijn máhttá liehket dárbbo ålgoldis måvtåstuhttemijn. Gå dåbddåp persåvnå berustimijt, de diehtep aj makkir arvusmahtte dåjmajt máhttep fállat dahkamusá maŋŋela, vaj giehpebun sjaddá.