Gïehtjemelæstoe vuhtsije soptsestæmman jïh sekundæære symptomide
COCAF-4 lea screeningdïrrege. Ulmie lea varke jïh aelhkie screeningem logopeedese vedtedh destie maam vuarjesje goh uvtemes symptomh vuhtsije soptsestæmman, lissine dejtie ektiegaavnoes jïh sekundæære symptomide mah daamtaj maehtieh sjugniehtovvedh vuhtsije soptsestimmievuekine ektine.
Gïehtjemelæstoe vuhtsije soptsestæmman jïh sekundæære symptomide
Screening-dïrrege
COCAF-4 lea screeningdïrrege mij juakasovveme daejtie kategorijidie:
- soptsestimmiedrïekte jïh galkije soptsestimmie
- artikulasjovne
- gïele jïh gïeleldh galkeme
- ov-organiseereme ussjedimmie
- tjaeleme
- tsåatskelesvoete
- jeatjah ij-verbaale symptomh
Raerieh
COCAF-4 seammaleejns screeningdïrrege goh PCI (Predictive Cluttering Inventory). COCAF-4 aspekth feerhmie mah obligatovreles åejviesymptomh, jïh mah edtjieh stïeresne årrodh juktie diagnovsem åadtjodh. Vijriebasse, dle dovne COCAF-4 jïh PCI jienebh aspekth feerhmieh mah eah leah åejviesymptomh, men mejtie daamtaj maehtieh vuhtsije soptsestæmman ektiedidh. Gaajhkh aspekth eah daarpesjh stïeresne årrodh gaajhki almetji luvnie mej vuhtsije soptsestimmie, jïh maahta dejtie lissiesymptomine vuarjasjidh.
Vihkele tjïertestidh daah dïrregh eah maehtieh diagnovsem vihtiestidh, men gïehtjemelæstoeh PCI jallh COCAF-4 leah hijven dïrregh mejtie juvnehtibie nuhtjedh jeatjah sjyöhtehke goerehtimmiedïrregigujmie ektine. Byöroeh gaajhkh goerehtimmieh vuarjasjidh akten ellies jïh individuelle goerkesemierien sisnjelen.
Sjyöhtehke vierhtieh
Gïehtjemelæstoe vuhtsije soptsestæmman – PCI
Screeningdïrrege mij maahta vuhtsije soptsestimmiem prierkiehtidh.
Soptsese beetnehbongken bïjre
Vaajestimmieteeste juktie vuhtsije soptsestimmievuekiem goerehtalledh.
Vuhtsije soptsestimmievuekie: Bïevnesh jïh perspektijvh
Bïevnesetjaalege beavna mij vuhtsije soptsestimmie. Dïhte dorjesovveme utnijidie jïh faagealmetjidie juktie tsagkesem vielie åehpies.