20 gažaldaga giellagálggaid birra
Skrinenávnnas mainna beassá mihtidit mánáid ja nuoraid giellagálggaid, mo sii oamastit govusvuogádagaid ja mo sin oktavuođat earáide leat.
20 gažaldaga giellagálggaid birra
Áicanskovvi, gaskal 5 ja 16 jahkásaš mánáide ja nuoraide.
20 gažaldaga lea skrinenávnnas mii mihtida mánáid ja nuoraid giellagálggaid buot ohppiin vuođđoskuvllas. Dat addá johtilis ja luohttevaš skrinema mánáid ja nuoraid giellagálggain. 20 gažaldaga lea dehálaš reaidu fuomášit giellaváttuid árrat.
Dat ádjána sullii 10 minuvtta deavdit ovtta skovi juohke mánnái/oahppái. Oanehis áiggis lea dan dihte vejolaš skrinet buot mánáid skuvllas ja buot mánáid geat leat maŋimuš jagi mánáidgárddis. Skrinen 20 gažaldaga addá buori vuođu go galgá fuobmát mánáid geat dárbbašit eanet giellakártema.
- Skovi ávžžuhit geavahit gaskal 5 ja 16 jahkásaš mánáide ja nuoraide.
- Olahanmearit leat heivehuvvon dan dássái maid sáhttá vuordit dábálaš ovttagielatmánáin.
- Skovvi lea vuođđuduvvon máná giellagelbbolašvuhtii eará ovttaahkásaš mánáid ektui. Gažaldaga maid galgá vástidit lea danne: “Eará mánáid ektui geat leat seamma agis, man bures heive čuovvovaš dajaldat dán mánnái?”
- Geavat skala 1 rájes gitta 5 rádjái. Ovdamearkka dihtii lea okta dajaldat “Ohcá go mánná rivttes sániid” jus dát dajaldat ii heive válddáhallat máná, de russet 1. Jus dajaldat heive, de russet 5. Jus dajaldagat leat muhtin muddui riekta, russet ovtta logu 1 ja 5 gaskka.
Sámediggi lea ruđalaččat dorjon prošeavtta.
Guoskevaš resurssat
6-16 jahkásaččaid giella
6-16 jahkásaččaid giella lea skrinenteasta gielalaš gálggaide mainna sáhttá identifiseret dárbbu viidáset gielalaš kártemii.
Doabaáddejupmi
Doabaáddejupmi lea kárten mainna sáhttá fuomášit guđe doahpagiiguin lea dehálaš bargat viidáseappot sihke mánáidgárddis ja skuvllas.
Doabaoahppan – Bagadus strukturerejuvvon doabaoahppama birra mánáide ja ohppiide
Bagadusas čilgejuvvo movt sáhttá systemáhtalaččat bargat doabaoahppamin, sihke mánáidgárddis ja skuvllas.