Sámi erenoamášpedagogalaš bálvalusat
Statped addá erenoamášpedagogalaš heivehuvvon bálvalusaid sámi mánáide ja ohppiide davvi-, julev- ja lullisámegillii ja dárogillii.
Statped veahkeha suohkaniid ja fylkkasuohkaniid láhčit dili sámegielat mánáide ja ohppiide geat dárbbašit ovttaskas heivehuvvon oahpahusa. Dat dáhpáhuvvá Sámi erenoamášpedagogalaš bálvalusa (SEAD) bokte. SEAD addá bálvalusaid miehtá Norggá, nu go muđui ge Statped dahká.
SEAD:a bálvalusaid vuođđun lea máhttu sámegielas ja sámi kultuvrras ovttas erenoamášpedagogalaš njunušgelbbolašvuođain. SEAD fállá bálvalusaid buot fágasurggiin ja buot ahkásaš geavaheddjiide, mánáidgárdeagis gitta oahpahussii rávisolbmuide/ollesolbmuide. Bálvalusat addojit davvi-, julev- ja lullisámegillii ja dárogillii.
Mihttu lea sihkkarastit ahte sámi mánát ja oahppit geat dárbbašit erenoamáš heiveheami ožžot ovttaárvosaš ja fátmmasteaddji fálaldaga – beroškeahttá gos sii orrot. Dát lea sierra ovddasvástádus Norggas, mii lea vuođđuduvvon Vuođđolágas § 108 ja riikkaidgaskasaš konvenšuvnnain.
Geasa leat bálvalusat
Bálvalusat leat:
- suohkaniidda ja fylkkasuohkaniidda gos ii vurdojuvvo ahte sis alddiset lea dárbbašlaš sámi erenoamášpedagogalaš gelbbolašvuohta
- mánáidgárddiide, skuvllaide ja PP-bálvalusaide geat dárbbašit doarjaga bargguideaset ovttaskas mánáiguin ja ohppiiguin
SEAD maid ovddida sámegielat erenoamášpedagogalaš oahpponeavvoresurssaid ja kártenreaidduid, ja bagadallá movt daid galgá geavahit.
Ná dagat
SEAD lea riikkaviidosaš ja bargá buot fágasurggiin Statpedas. Danne leat buot bálvalusat olámuttus, sámegillii maid.
Loga eanet SEAD mandáhta birra dás.
Guoskevaš sisdoallu
Sámegiella
Sámi mánáin ja ohppiin geain lea dárbu erenoamáš heivehuvvon oahpahussii lea vuoigatvuohta oažžut oahpahusfálaldaga mii vuhtiiváldá sihke …
Rådgiving, veiledning og spesialpedagogisk kartlegging
Statped yter tenester for barn og elevar med behov for varig og omfattande tilrettelegging i barnhage og skole.
Kompetanseutvikling
Statped tilbyr kompetanseutvikling til kommunar, fylkes-, organisasjonar, helseføretak, Nav og andre.