Davvisámegiel fonemtesta
Fonemteasttain kártejuvvo máná jietnadatvuogádat. Ulbmil lea gávnnahit makkár jietnadagaid mánná jietnada ja/dahje álkidahttá álkidahttinproseassaid bokte.
Davvisámegiel fonemtesta
Testta sáhttet čađahit logopedat, earenomášpedagogat dahje earát geat dárbbašit kártet mánáid jietnademiid sániin. Ávžžuhit geavahit teastta mánáide 4 jagi rájes, muhto dan sáhttá maiddái geavahit nuorat mánáide. Teastta sáhttá čađahit mánáiguin geat jietnadit sániid eará ládje go rávisolbmo hupman/hállannorpmaid mielde.
Davvisámegielat fonemteasttas leat njeallje oasi: Govvagirji, merkenskovvi, proseassaanalysa ja bagadallangihpa.
Fonemteasttain kártejuvvo máná jietnadatvuogádat. Ulbmil lea gávnnahit makkár jietnadagaid mánná jietnada ja/dahje álkidahttá álkidahttinproseassaid bokte.
Fonemtestas leat oktibuot 100 sáni/govat. Jietnadagat iskojuvvojit unnimusat njealje geardde iešguđetge posišuvnnain. Testta sánit isket jietnadagaid mat leat álggus, guovddážis ja loahpas sániin, earret go muhtun jietnadagat mat eai geavahuvvo nu dávjá dihto posišuvnnain. Sániin lea iešguđetlágan guhkkodat ja dain leat giela iešguđetlágan jietnadagat.
Fonemtestta álkidahttinproseassat leat válljejuvvon sámegielat dutkamiid vuođul. Teasta lea geahččaluvvon 16 mánáin geain lea davvisámegiella vuosttašgiellan.
- Mánnái čájehuvvo govvagirjjis okta govva hávális.
- Mánná galgá namahit govaid.
- Kártenjođiheaddji jearrá “Mii dá lea?”, “Mat dá leat?”, Dá leat máŋga…” dahje “Maid son bargá?”.
- Dan botta go mánná namaha govaid, čálista kártenjođiheaddji ruvttuide movt mánná dadjá sániid. Dasa lassin sáhttá čálistit jus leat mearkkašumit máná jietnadeamis, omd. Jus son geavaha guhkes áiggi vástidit, jus dadjá eará sáni go ulbmilsáni dahje geavaha eará sojahanhámi. Mihttu lea ahte mánná dadjá ulbmilsáni.
- Kártenbohtosat analyserejuvvojit proseassaanalysaskovis. Eanet dieđuid gávnnat bagadusas.
Guoskevaš resurssat
20 gažaldaga giellagálggaid birra
Skrinenávnnas mainnan beassá mihtidit mánáid ja nuoraid giellagálggaid, mo sii oamastit govusvuogádagaid ja mo sin oktavuođat ear�ide …
Sámegiela impressiiva morfololagaš teasta (SIM)
Kártenreaidduin SIM sáhttá pedagoga guorahallat movt sámegielat mánát ipmirdit dihto grammatihkalaš hámiid.
Doabaoahppan – Bagadus strukturerejuvvon doabaoahppama birra mánáide ja ohppiide
Bagadusas čilgejuvvo movt sáhttá systemáhtalaččat bargat doabaoahppamin, sihke mánáidgárddis ja skuvllas.