Guldal Lále

Guldal Lále lea jurddašuvvon doarjjan guldalan- ja hállangiellaovdáneamis mánáide geain lea heajos gullu. Sáhttá maid leat anolaš mánáide geat leat oččodeame davvisámegiela.

Guldal Lále lea vuosttažettiin vuođđuduvvon dovdat eaŋkalsániid. Sánit leat biddjon oktii párran sierra dovdomearkkaid mielde mat dahket iešguđetlágan jietnavuostálasvuođaid. Álkimus dási vuostálasvuođat leat sánit main leat iešguđetlágan stávvallogut, eará sániiguin iešguđetlágan sátneritma. Boahtte dássi lea vuostálasvuohta sániid gaskkas main leat iešguđetlágan vokálat, ja maŋimuš dássi lea vuostálasvuohta iešguđetlágan konsonántašlájain.

Web-appa mánáide ja nuoraide geain lea heajos gullu dahje sidjiide geat leat oahpahallame sámegiela.

Web-appa lea ráhkaduvvon dainna jurdagiin ahte dahkat vejolažžan ollu geardduhemiid oažžut daddjojuvvon sániin. Sátnepárat ovdanbuktojuvvojit iešguđetlágan sátneortnegis, nu ahte álo bohtet ođđa sátnepárat.

Guldal Lále sisttisdoallá njeallje bargamuša:

• Memory: Dás galgá guldalit ja gávdnat guokte seammalágan sáni ja gova. Oažžut ollu geardduhemiid dain sátnepárain mat ovdal leat čájehuvvon ja nu nannet muittu sániin.
• Sátneearuheapmi: Dovdát sátnejietnapáhkaid ja goallostit oaivila daidda gova vehkiin.
• Guldaleapmi: Muitit máŋga sáni rivttes ortnetvuorus.
• Fáddá: Dovdát sániid mat ovdal leat čájehuvvon oanehis cealkagiin. Čatnat sániid oktii fáttáid mielde.

Sáhttá válljet galget go bargamušat ovdanbuktojuvvot nisson dahje almmáiolbmojienain. Nissonjietna hállá Kárášjoga suopmana jaalmmáiolbmojietna hupmá Guovdageainnu suopmana.

Sámi earenomášpedagogalaš doarjja (SEAD), Statped, 2018. Sámediggi lea resurssaid juolludemiin dahkan vejolažžan čađahit prošeavtta. Prošeaktajoavku: Kirsten Wirkola, Janicke Eliassen, Gunn Irene Suhr ja Tor Persen.

Ođastuvvon 2026, Statped. Prošeaktajoavku: Lone Nergård Boine, Marit Inger Pulk ja Tina Thomassen Hofseth.