Mearka
Mearka app lea mearkasátnegirji davvisámegillii. Web-appas leat 1255 mearkka oktan sániiguin davvisámegillii.
Mearka
Sámegielat mearkageavaheaddjit
Mearka web-appas ovdanbuktojit sámi mearkkat videobáddemiin, sámegielat mearkageavaheaddjin. Sánit daddjojit sámegielat njálbmedadjamiin. Sámi mearkkain lea duogáš sámi leavgga ivnniiguin.
Appas leat 1255 mearkka oktan sániiguin sámegillii. 255 mearkka leat sámi mearkkat, ja reasta 1000 mearkka leat mearkkat mat gávdnojit dárogielat web-appas Tegnordbok Mini.
Sámi mearkagiellabiras ii leat nu stuoris. Dan sivas eat sáhte dadjat ahte lea sierra sámi mearkagiella. Lihkká leat muhtin mearkkat oidnon geavahusas sámi mearkageavaheddjiid gaskkas. Diet 255 sáni/mearkka mat álmmuhuvvojit appas leat mearkkat mat geavahuvvojit davvisámi giellabirrasis.
- Kategoriijat – oza sániid iešguđetlágan joavkkuin, dahje dušše sámi sániid/mearkkaid (luondu, duodji..)
- Oza sáni/mearkka – čále sámegiel/dárogiel sáni. Sámi/dáro sátni ihtá oktan mearkavideoin
- Válljejumit – giellaválljen (sámi, sámi/dáro, dáro/sámi)
Sámediggi lea ruđalaččat dorjon prošeavtta.
Guoskevaš resurssat
Lávllagirji veahkkegielain
Lávllagirji veahkkegielain lea ráhkaduvvon veahkkin ja movttiidahttin dihtii olbmuid mánáid birrasis geavahišgoahtit veahkkegiela go l�vlot …
Máinnasgirjjážat veahkkegielain
Njeallje girjjáža main leat oahpes njálmmálaš árbevirolaš máidnasat, veahkkegiela-mearkkaiguin ja sámeivnnat govaiguin.
TD Snap Core First
TD Snap Core First lea ollislaš gulahallanreaidu mas leat gráfalaš symbolat, sin várás geat dárbbašit Molssaevttolaš ja lassi …