Taktile symbol
Barn og elevar med eit kombinert sansetap kan få informasjon ved å føle og kjenne på tredimensjonale taktile symbol med hendene. Slik bruker du taktile symbol.
Taktile symbol er taktil alternativ og supplerande kommunikasjon (ASK).
Barn og elevar med kombinert sansetap treng taktile symboler for å
- tydeliggjere nøkkelord og informasjon
- gjennomføre aktivitetar
- orientere seg, få oversikt og ha valmoglegheiter
- auke sjølvstende og minske stress
Velje symbol
Det tar tid å forstå at symbol har meining og kan representere objekt, aktivitetar, handlingar, stader eller personar.
- Kartlegg kva barnet/eleven tar på og knytter mening til. Utgangspunktet er situasjonar som er betydningsfulle og vekkjer kjensler og engasjement, til dømes kva barnet tar på i skogen med hendene sine.
- Start med få symbol. Begynn med sjølve konkretet eller delar av eit konkret. Til dømes kan du bruke barnet eller eleven si badebukse eller badedrakt som symbol for svømming, eller ein bit av ei bleie som symbol for ei bleie.
- Tilpass symbol individuelt. Ein bit av eit bilbelte (noko alle har på seg på biltur) er betre enn ein leikebil (visuell – og ikkje alle veit at ein bil har fire hjul) som symbol for ein konkret bil. Materiale som kjennest likt ut, kan vere eit symbol for ein konkret. Ulike overflater kan lære barn/elevar å kjenne att ulike symbol. Mange taktile erfaringar gjer at barn/elever kan kjenne ulikskap og kjenne att materiell.
- Bruk tid og prøv å etablere symbolforståing. Ha med symbolet i aktiviteten, og skap ein samanheng mellom handling og symbol.
Ver sikker på at barnet/eleven har symbolforståing før du lagar abstrakte symbol. Start med noko som barnet/eleven kjenner att. Viss barnet/eleven forstår abstrakte symbol, treng ikkje symbolet og aktiviteten det representerer, å vere nært knytt til kvarandre. Ein stein kan da symbolisere kvilestund og ein trebit kan symbolisere lytteaktivitet.
Utvikle symbol
Du må utvikle og tilpasse taktile symbol til kvart barn eller kvar elev sine individuelle taktile, perseptuelle og motoriske føresetnader.
Å utvikle taktile symbol krev fantasi, engasjement, tid og tålmod.
Symbol med
- enkle former og overflater er lettast å oppfatte og skilje frå kvarandre
- symbolnamn på baksida (eller foran nedst med punktskrift) viser nemninga alle skal bruke på symbolet
- kombinert bruk av restsansar (syn, lyd, lukt eller smak) gjør det lettare å observere meining, til dømes symbol for toalett saman med lyd fra å skylje ned
- bakgrunn i trefinér eller hardplast på ca. 7 x 7 centimeter gjer symbolet til ei tydeleg brikke for barnet eller eleven
- borrelås bak brikka på ca. 1 x 1 centimeter gjer at symbolet kan festast til ein bakgrunn (plan/valplate) saman med fleire symbol
Lag fleire symbol av same type – nokre kan bli ødelagde eller borte. Det er også mogleg å få kjøpt det du skal lime på ein bakgrunn.
Bruke symbol
Start så tidleg som mogleg med konkretar fyrst og så med taktile symbol. Gjerne i barnehagen, som med ASK-hjelpemiddel.
- Ta utgangspunkt i ein aktivitet som barnet er oppteke av og glad i.
- Start med å bruke symbol i aktivitetar som du gjennomfører fleire gonger i veka.
- Presenter umiddelbart eit symbol før situasjonen eller handlinga det står for, skal skje, og undervegs, så ein aktivitet får ein fast start og slutt.
- Bruk tid på å arbeide med symbola du vil starte med. Nokre vil raskt knyte meining til symbol. Andre treng tid for å kjenne dei att.
- Regn med å prøve og feile, etabler eit tett samarbeid mellom alle vaksne som er involverte, og juster og evaluer framgangsmåten undervegs.
- Forvent reaksjonar, som at barn/elever smiler, viser kroppslege uttrykk eller veljer og veljer bort symbol for visse aktivitetar.
- Oppbevar symbol på ein fast plass; i ein liten koffert eller i bøker eller permar.
- Vær klar over at ikkje alle barn og elevar med kombinert sansetap oppnår symbolforståing, men dei kan ha god nytte av taktile symbol som er individuelt tilpassa.
Du kan bruke symbol saman, til dømes i taktile planar eller bøker.
Læremidler for blinde og sterkt svaksynte
Her finner du læremidler og materiell for blinde og sterkt svaksynte elever i grunnskole og videregående skole. Du finner tilrettelagte lærebøker, materiell og andre læremidler.
Dette kan være nyttig for deg
Undervisning i klasserom eller gruppe
Barn med kombinerte syns- og hørselstap eller døvblindhet skal kunne delta i skolehverdagen på lik linje med andre barn.