Tolking og kommunikasjon
Tolking og kommunikasjon mellom eit teiknspråkleg barn, ein teiknspråktolk og ein som ikkje er teiknspråkleg, er «ein dans for tre».
I samhandling mellom desse tre partane, vil tolking og kommunikasjon alltid vere annleis enn direkte kommunikasjon. Det gjeld same kor vande samtaledeltakarane er med samhandling med tolk.
I filmen får du sjå nokre betraktningar rundt dette.
Tolkeforskar Cecilia Wadensjö (1998) omtaler tolking og kommunikasjon som «ein dans for tre». I det legg ho at alle tre, både samtalepartane og tolken, må vere klar over kvarandre sine roller og funksjonar. Når kommunikasjonen er mellom tre, blir det endå viktigare å ta omsyn til kvarandre.
Barn i ein barnehage kan ha ei klar forståing av at ein tolk har andre oppgåver enn dei andre vaksne. Ein tolk skal
- ikkje sjølv delta i samtalen
- opptre upartisk, eller topartisk, og tolke det samtalepartane seier
Sjølv om tolken ikkje tek del i samtalen som «seg sjølv», vil nærværet til tolken uansett påverke samtalen. Det er eit ekstra menneske der, og det må alle partane forhalde seg til.
Rettleiaren Tolking og barn
Tolking og barn
Denne ressursen retter seg mot foreldre, familie, fagpersoner og fritidsledere som møter barn med tolk.
