Movt čađahit buori kártema
Jus galgá čađahit rivttes doaibmabijuid, de ferte vuđolaččat kártet vai oažžu ollislaš gova oahppi nanu beliin ja dárbbuin.
Vuđolaš kárten lea dárbbašlaš čielggadan dihte dárbbaša go oahppi individuála heiveheami nugo persovnnalaš veahki, fysalaš heiveheami, teknihkalaš veahkkeneavvuid ja/dahje individuálalaččat heivehuvvon oahpahusa.
Kárten dahkko ovttasbarggus gaskal ruovttu, skuvlla ja pedagogalaš-psykologalaš bálvalusa (PPB). Juohke ovttaskas áššis galgá árvvoštallat gii galgá kártet, makkár kártemat leat relevánttat, ja mii lea buoremus oahppái dárbbuid vuođul. Oktavuohta oahppái, gelbbolašvuohta ja pedagoga máhttu leat oasit maid galgá árvvoštallat go juohká ovddasvástádusa.
Árvvoštallat oažžu go oahppi dohkálaš ávkki oahpahusas
Jus galgá árvvoštallat oažžu go oahppi dohkálaš ávkki oahpahusas, de berre diehtit juoidá oahppi oahppanbirrasa, nanu beliid, beroštumiid ja heivehandárbbu birra.
Danne lea dehálaš ahte skuvla ja PP-bálvalus árvvoštallet mii lea oahppái buoremus, oahppi gelbbolašvuođa, nanu beliid masa sáhttá oahpahusa hukset ja makkár beliid individuálalaččat heivehuvvon oahpahus soaitá fertet buhttet. Gulahallan ohppiin lea álo skuvlla ja PP-bálvalusa buoremus reaidu.
Duddjo oadjebasvuođa ja einnostahttivuođa oahppái dieđuiguin
Ovdal kártema dahje oahppiságastallama berre oahppi oažžut vástádusa čuovvovaš gažaldagaide:
- Gii čađaha ságastallama/kártema?
- Mii galgá dáhpáhuvvat?
- Gos dat lágiduvvo?
- Manne dat čađahuvvo?
- Movt čađahuvvo kárten/ságastallan?
- Man guhká dat bistá?
- Mii dáhpáhuvvá go kárten/ságastallan lea loahpahuvvan?
Dát dieđut sáhttet ovdamearkka dihte addot video hámis mii lea ráhkaduvvon oahppái. Videos sáhttá ovdamearkka dihte čájehit govaid dan dilis, gos ságastallan galgá dáhpáhuvvat. Video sáhttá čuovvolit earálágan visuála bajilgovain oahppi várás. Maŋŋel go oahppi lea geahččan video, de sáhttá oahppi jearrat gažaldagaid ja oažžut dárkilet vástádusaid.
Jus galgá oažžut dieđuid das movt oahppi oahppá buoremusat ja makkár heivehemiid son dárbbaša vai oahppá, de berrejit PP-bálvalusas ja skuvllas leat dieđut čuovvovaččaid birra:
- oahppaneavttut
- beroštumit ja nanu bealit
- vuođđogálggat
- gelbbolašvuohta iešguđet fágain
- relevánta medisiinnalaš dilit (omd. oaidnu, gullu, vejolaš diagnosat jna.)
- sosiála dáiddut
- eará dilálašvuođat mat váikkuhit oahppi skuvlaárgabeaivái
Dáid surggiid kárten sáhttá addit bajilgova das movt oahppi vásiha oahppanbirrasa:
- oaktin luohkás/skuvllas
- gaskavuođat rávesolbmuiguin ja eará ohppiiguin
- struktuvra ja einnostahttivuohta
- streassafáktorat
- sensoralaš hearkivuohta
- fágalaš doaibmanvejolašvuohta
Jus galgá oažžut nu dárkilis dieđuid go vejolaš, de berre sus gii kárte ja ságastallá ohppiin, leat:
- Máhttu oadjudit oahppi
- Máhttu čatnat oktavuođa ohppiin
- Máhttu kártenreaiddu birra
- Ságastallangálggat hukset oahppiságastallama
- Máhttu jearrat gažaldagaid mat leat heivehuvvon oahppi dillái
- Máhttu guldalit aktiivvalaččat ja áicat oahppi rumašgiela ja signálaid
Oahppis lea vuoigatvuohta gullot áššiin mat gusket sutnje, ja buot maid mii bargat galgá árvvoštallojuvvot dan vuođul mii lea oahppái buoremussan. Dát rievdá earret eará agi, eavttuid, oadjebasvuođa ja dárbbuid vuođul. Ii gávdno bagadus mii heive buohkaide. Deháleamos lea váldit mielde oahppi proseassas, ja leat nu vuđolaš go vejolaš.
Ovdamearkkat iešguđetlágan kártenreaidduin
Har du noen spørsmål?
Hos spør oss-tjenesten kan du drøfte og få råd i spesialpedagogiske spørsmål. Vi retter oss først og fremst mot PP-tjenesten, men du kan også ta kontakt om du jobber i barnehage eller skole. Er du foresatt, kan vi hjelpe deg med å finne fram i det spesialpedagogiske støttesystemet.
Dette kan være nyttig for deg
Interessekartleggingsskjema – for læring og trivsel
Et kartleggingsskjema for å finne gode aktiviteter for læring og trivsel for barn og unge.
Rådgiving, veiledning og spesialpedagogisk kartlegging
Statped yter tjenester for barn og elever med behov for varig og omfattende tilrettelegging i barnehage og skole.