Bo Ege – Gielalaš guorahallan

Skrinengeahččaleapmi.

Skovit leat nuvttá sámi institušuvnnaide (sádde e-poastta čujuhussii [email protected] dalle go registreret institušuvnna). Lea jahkásaš liseansa portála geavaheapmái.

Sámi erenoamášpedagogalaš doarjalus (SEAD) ja Info Vest Forlag.

Mánáide maŋemus jagi mánáidgárddis ja vuosttaš jagi skuvllas.

Giellaguorahallama čađaheamis berre leat okto mánáin ja várret buori áiggi. Mánná galgá govaid geahčadit ja namuhit daid. Earenoamášpedagoga deaddila dan vástádusa mii buoremusat heive dan sátnái maid mánná geavaha govvii. Boahtte govva ihtá šerbmii go ovddit gažaldat lea vástiduvvon. Govat čájehuvvojit mánnái, okta ain hávális, ja de jearat: «Mii dá lea?».

Lea hui álki árvvoštallat máná vástádusa. Vástádusat juhkkojuvvojit 3 jovkui: badjedoaba, dábálašdoaba, ja vuolledoaba.

• Badjedoaba lea dat dárkilis namahus govas. Dat lea nugo gaccepaš dahje heaŋggalohka. Dát sánit/dajahusat lea bidjon maŋŋel 3 ja čájeha ahte vástádus oažžu 3 čuoggá.
• Dábálašdoaba lea dat dábáleamos namahus maid sáhttá vuordit mánás gii lea 6-7 jahkásaš. Dat leat sánit dego loddi ja lohka. Dát sánit/dajahusat lea bidjon maŋŋel 2, dat leat merkejuvvon buoiddes čállosiin, ja čájeha ahte vástádus oažžu 2 čuoggá
• Vuolledoaba bájuha álkiduvvon, válddahuvvon, perserverejuvvon dahje boastut namahuvvon. Dat leat sánit dego pippip, tuttut dahje ráigi. Dát sánit/dajahusat lea bidjon maŋŋel 1 ja čájeha ahte vástádus oažžu 1 čuoggá

Jus mánná ii namut ovtta gova de oažžu 0 čuoggá. Dábálaččat geavaha mánná daid sániid/dajahusaid mat čužžot árvvoštallantabeallas. Jus mánná vástida eará láhkái de lea earenoamášpedagoga