Vai sáhttá ipmirdit máilmmi iežas birrasis de ferte mánás leat doahpagat maiguin sáhttá jurddašit. Doabaáddejupmi lea kárten mainna sáhttá fuomášit guđe doahpagiiguin lea dehálaš bargat viidáseappot sihke mánáidgárddis ja skuvllas. Skovit leat nuvttá sámi institušuvnnaide (sádde e-poastta čujuhussii post@spesialpedagog.no dalle go registreret institušuvnna). Lea jahkásaš liseansa portála geavaheapmái. Sámi erenoamášpedagogalaš doarjalus (SEAD) ja Info Vest Forlag.

Mánáide maŋemus jagi mánáidgárddis ja vuosttaš jagi skuvllas.

Vuosttaš golbma bihttá leat hárjehallanbarggut. Lea dehálaš geavahit buori áiggi sihke hárjehallanbargguid čilgemii ja čađaheapmái, vai mánát dovdet oadjebasvuođa dasa maid galget bargat. Álggat kártema ná: «Dál oainnát bargobihtáid, don galggat deaddilit dan mii du mielas lea riekta». Muitte váldit vuhtii máná suopmana. Áigemearri lea birrasit 20-30 minuhta. Máná bohtosat registrerejuvvojit automáhtalaččat dađistaga go mánná bargá. Bohtosiid oainnát dallánaga go mánná lea geargan. Máná bohtosat leat devdon dain 12 iešguđetlágán kategoriijaid mielde, ja dalle lea álki oaidnit maid mánná hálddaša ja maid son ii hálddaš.