PCS-symbolaálgu

Gulahallat eará ládje go hupmangielain gohčoduvvo Molssaevttolaš ja lassi gulahallanvuohki (MLG). PCS-symbolaálgu sáhttá viežžat prográmmii TD Snap. TD Snap lea gulahallanreaidu mii addá vejolašvuođa gulahallat gráfalaš symbolaid bokte.

Dárogillii ovddidan Tobii Dynavox, 2023:s. Dan lea Sámi erenoamášpedagogalaš doarjalus (SEAD) jorgalan ja heivehan davvisámegillii, 2024:s. Prošeaktajoavku: Lone Nergård Boine, Marit Inger Pulk, Solveig Kristine Oskal ja Bente Martinsen.

Sámediggi lea resurssaid juolludemiin dahkan vejolažžan čađahit prošeavtta.

Sáhttá geavahuvvot sámegielat MLG-geavaheddjiin buot agiin.

Prográmmas leat symbolat ja čálus symbolaide (sánit ja cealkagat), ja go deaddila symbolaid de dadjojit sánit ja cealkagat sámegillii dahkkonjiena (hupmansyntesa) bokte. Prográmmas lea bagadus, sátnelistut ja ovdamearkkat fáddátávvaliidda.

Prográmma olgeš holga čujuha guhtta váldosiidduide:

• Vuosttaš siiddus čilgejuvvo mii PCS-symbolaálgu lea.
• Nuppi siiddus leat 400 sáni, gráfalaš symbolaiguin, maid mánát geavahit árra giellaoččodeamis.
• Goalmmát siiddus čuožžu modellerema birra, movt sáhtát oahpahit ja doarjut máná gráfalaš symbolaid geavaheamis.
• Njealját siiddus ges leat gárvves fáddátávvalat ja málat fáddátávvaliidda, maid sáhttá geavahit gulahallamis.
• Viđat siiddus lea diehtu dan birra makkár lávki lea das viidáset go lea bargan PCS-symbolaálgguin.
• Guđat siiddus ges čilgejuvvo movt sáhtát čálihit siidduid, nu go fáddátávvaliid ja sátnelisttuid.På første side gis det en beskrivelse av hva PCS-symbolstart/PCS-symbolaálgu er.