PCS-symbolaálgu
PCS-symbolaálgu lea oassi gulahallanreaiddus TD Snap. Dan lea vuogas geavahit vuosttaš lávkin go galgá oahpásmuvvat ja geavahišgoahtit MLG gráfalaš symbolaid bokte.
PCS-symbolaálgu
Sáhttá geavahuvvot sámegielat MLG-geavaheddjiin buot agiin
Gulahallat eará ládje go hupmangielain gohčoduvvo Molssaevttolaš ja lassi gulahallanvuohki (MLG). PCS-symbolaálgu sáhttá viežžat prográmmii TD Snap. TD Snap lea gulahallanreaidu mii addá vejolašvuođa gulahallat gráfalaš symbolaid bokte.
Prográmmas leat symbolat ja čálus symbolaide (sánit ja cealkagat), ja go deaddila symbolaid de dadjojit sánit ja cealkagat sámegillii dahkkonjiena (hupmansyntesa) bokte. Prográmmas lea bagadus, sátnelistut ja ovdamearkkat fáddátávvaliidda.
PCS (Picture Communication Symbols) lea čoakkálmas standardiserejuvvon gráfalaš symbolain mat geavahuvvojit doarjjan gulahallamii ja giellaovdáneapmái. PCS lea eanemus geavahuvvon symbolačoakkálmas máilmmis, maiddái Norggas.
PCS geavahuvvo gulahallanreaidduin doarjjan hupmamii, lihkastagaide gieđaiguin ja ámadajuin, cuigemii ja eará gulahallanhámiide, oassin ollislaš gulahallanvuogádahkii.
Prográmma olgeš holga čujuha guhtta váldosiidduide:
- Vuosttaš siiddus čilgejuvvo mii PCS-symbolaálgu lea.
- Nuppi siiddus leat 400 sáni, gráfalaš symbolaiguin, maid mánát geavahit árra giellaoččodeamis.
- Goalmmát siiddus čuožžu modellerema birra, movt sáhtát oahpahit ja doarjut máná gráfalaš symbolaid geavaheamis.
- Njealját siiddus ges leat gárvves fáddátávvalat ja málat fáddátávvaliidda, maid sáhttá geavahit gulahallamis.
- Viđat siiddus lea diehtu dan birra makkár lávki lea das viidáset go lea bargan PCS-symbolaálgguin.
- Guđat siiddus ges čilgejuvvo movt sáhtát čálihit siidduid, nu go fáddátávvaliid ja sátnelisttuid.På første side gis det en beskrivelse av hva PCS-symbolstart/PCS-symbolaálgu er.
Fuomášumit geavaheapmái
- Tobii Dynavoxas lea Youtube-kanála gos gávdnojit filmmat PCS-symbolaálggu birra (dárogillii). Filmmat leat earret eará dan birra movt viežžat PCS-symbolaálggu TD Snap prográmmii ja movt redigeret prográmmas.
- Loga TD Snap Core First birra maid. Dat lea ollislaš gulahallanreaidu.
- Loga eanet MLG birra sámegillii diehtogihppagis maid Statped ja ISAAC leat ráhkadan. Muđui gávdno eanet diehtu MLG birra dárogillii Statpeda neahttasiidduin.
Dárogillii ovddidan Tobii Dynavox, 2023:s. Dan lea Sámi erenoamášpedagogalaš doarjalus (SEAD) jorgalan ja heivehan davvisámegillii, 2024:s. Prošeaktajoavku: Lone Nergård Boine, Marit Inger Pulk, Solveig Kristine Oskal ja Bente Martinsen. Sámediggi lea resurssaid juolludemiin dahkan vejolažžan čađahit prošeavtta.
Guoskevaš resurssat
TD Snap Core First
TD Snap Core First lea ollislaš gulahallanreaidu mas leat gráfalaš symbolat, sin várás geat dárbbašit Molssaevttolaš ja lassi …
Ii go mu mánná hállagoađe fargga? Ale vuordde ja geahča!
Dán gihppagis leat dieđut dan birra mii molssaevttolaš ja lassi gulahallanvuohki (MLG) lea, manne dat lea dehálaš ja movt don s�ht�t …
Mearka
Mearka app lea mearkasátnegirji davvisámegillii. Web-appas leat 1255 mearkka oktan sániiguin davvisámegillii.