Bavsev- guobmeluoddanibme
Leppe-kjeve-ganespalte (LKG) er det vanligste medfødte anatomiske avviket i hode- og halsregionen i verden. En spalte kan påvirke talen, hørselen, tannstillingen og utseendet.
Iesjguhtiklágásj luottanime
Tjiegaduvvam guobmeluottanibme guosská dibma guobmáj, valla danna l snjárttjá ja dan diehti máhttá liehket gássjel dav ájttsat riegádimen. Álu dav ájttsá esski gå mánná sáhkadahttjá. Dákkár luottanimen ælla guobmediehke sjaddam aktij, man diehti máhttá liehket gássjel njammat ja båssot, ja hållamij aj vájkkut.
Tjiegaduvvam guobmeluottanime dábálasj merka
- hypernasála hållam (ilá ållo ájmmo jåhtå njunje tjadá gå sáhkat)
- Álu vátto gasskabieljijn
- biebmo ja juhkusa njunnjáj gålggi
Isoleriduvvam guobmeluottanibme manná guome tjadá ja dahká njálme ja njunje gaskan la rabás.
Luottanime stuorrudahka máhttá liehket unna gurátja rájes baksimin gitta rájggáj mij manná ålles garra ja dibma guome tjadá. Dákkár luottanibme ij vájkkuda hábmáj jalik bánij dilláj, valla dan diehti ihkap mánnáj la gássjel njammat ja båssot, mij vas hållamåvddånibmáj vájkkut.
Baksim-guobmeluottanibme manná baksima, ållulij ja guome tjadá ja gåhtjoduvvá álu ålles luottanibmen. Dát sládja máhttá liehket avtabelak jali guovtebelak. Guobmeluottanibme agev manná gasskasátso tjadá. Ålles luottanibme máhttá vájkkudit hábmáj, bánij dilláj, hållamij ja njammam- ja båssomájmmudibmáj.
Baksimluottanibme manná baksima tjadá, ja baksim-oalolluottanibme manná sihke baksima ja ållulij tjadá. Luottanime stuorrudahka máhttá liehket unna gurátja rájes baksimin gitta luottanibmáj mij manná sihke baksimij ja ållulij tjadá. Luottanibme máhttá liehket avtabelak jali guovtebelak, ja máhttá vájkkudit sihke hábmáj ja bánij dilláj. Dákkár luottanibme vuorjját vájkkut hållamij, dan diehti gå ij dibma guobmáj guoska.
