Bavssa-guopmeluoddaneapmi

Čihkkon guopmeluoddaneapmi guoská dipma guopmái, muhto das lea šliiveassi ja dan dihte sáhttá leat váttis dan fuomášit riegádeamis. Dávjá dat fuomášuvvo easka dalle go mánná álgá hupmat. Dákkár luoddaneamis eai leat guopmedeahkit šaddan oktii, mii sáhttá dagahit váttisvuođaid njammat ja bossut, ja maiddái váikkuhit hupmamii.

Čihkkon guopmeluoddaneami dábálaš mearkkat

• hypernasála hupman (menddo ollu áibmu johtá njuni čađa go hupmá)
• dávjjes gaskabealljeváttut
• borramuša ja juhkamuša golgan njunnái

Isolerejuvvon guopmeluoddaneapmi manná guomi čađa ja ráhkada rabas oktavuohta njálmmi ja njuni gaskkas.

Luoddaneami sturrodat sáhttá leat smávva ráiggis spani lahka gitta ráigái mii manná olles garra ja dipma guomi čađa. Dákkár luoddaneapmi ii váikkut hápmái dahje bániid sajádahkii, muhto dat sáhttá dagahit ahte mánnái lea váttis njammat ja bossut, ja dat sáhttá váikkuhit hupmanovdáneapmái.

Bavssa-guopmeluoddaneapmi manná baksama, olloliid ja guomi čađa ja gohčoduvvo dávjá olles luoddaneapmin. Dát šládja sáhttá leat ovttabealat dahje guovttebealat. Guopmeluoddaneapmi manná álo gaskkasárgá čađa. Olles luoddaneapmi sáhttá váikkuhit hápmái, bániid sajádahkii, hupmamii ja njamman- ja bossunnákcii.

Bavssaluoddaneapmi manná baksama čađa, ja bavssa-oalulluoddaneapmi manná sihke baksama ja olloliid čađa. Luoddaneami sturrodat sáhttá leat smávva ceahkis baksamis gitta luoddaneapmái mii manná áibbas čađa sihke baksamiid ja olloliid. Luoddaneapmi sáhttá leat ovttabealat dahje guovttebealat, ja sáhttá váikkuhit sihke hápmái ja bániid sajádahkii. Dákkár luoddaneapmi hárve čuohcá hupmamii, dan dihte go ii guoskka dipma guopmái.