Tolke for barn
Møt teiknspråktolkar som deler dei beste tipsa sine om kva for omsyn dei må ta når barn bruker norsk teiknspråk.
Tolkane løftar fram fleire sentrale tema.
Rolla og handlingsrommet til tolkane
Tolkane kan ikkje ha ei formell og distansert haldning i samtalar med barn. Dei må kanskje halde i handa, svare på direkte spørsmål og fortelje litt om seg sjølv.
Støtt språkutviklinga til barnet
Tolkane må gjere språkval som er tilpassa språkutviklinga til barnet. Dei må finne ut av kva teikn barna bruker, og kva teikn dei forstår. Det kan òg vere utfordrande dersom barna har eit språk som ikkje er modent, og at dei ikkje utfører teikna rett.
Skap tryggleik
Det er ein stor fordel at tolkane og barna kjenner kvarandre og har ein god relasjon. Det er lettare for tolkane å gjere ein god jobb når ho har god kjennskap til språkkompetansen til barnet og situasjonen som barnet er i.
Spegle røysta til barnet
Tolkane prøver å spegle barna i tolkinga si, men å få fram røysta til barnet via ein vaksen, krev mykje av tolkane.
Ver ekstra merksam på alle dei små signala i samtalen
Viss barnet uttrykkjer uvisse eller har merksemda si retta mot noko heilt anna, må tolkane formidle det. Slik kan dei andre vaksne lettare følgje opp initiativa til barnet.
Samarbeid med dei vaksne
Tolkane kan ha behov for å få støtte frå andre vaksne som kjenner uttrykksformene til barnet. Det er ein stor fordel at dei vaksne som har ansvaret, eller som skal kommunisere med barn via tolk, kjenner til kva som trengst for å få til god samhandling med tolk.
Del ansvar
Tolkane si oppgåve er først og fremst språkarbeid. Det kan vere ein hårfin balanse mellom tolking og det å passe på at barnet får med seg det som blir sagt. Omsorga for og ansvaret for at kommunikasjonssituasjonen fungerer, skal liggje på dei andre vaksne i situasjonen. Sjølv om samtalen går via tolk, må den som møter barnet på helsestasjonen, i barnehagen, på trening og så bortetter, ha merksemda si retta mot barnet.
Tolking og barn
Denne ressursen retter seg mot foreldre, familie, fagpersoner og fritidsledere som møter barn med tolk.
