Beroštumiid kárten – oahppama ja loaktima várás

Beroštumiid kárten bovde pedagogaid ja fuolaheddjiid leat kreatiivvalaččat go galget geavahit beroštumiid vuođđun bidjat oahppanulbmiliid ja hábmet doaibmabijuid. 

Kártenávnnas pedagogaide ja fuollaolbmuide.

Beroštumiid kártema sáhttá čađahit iešguđet ládje ja dan ferte heivehit olbmo eavttuide. Dasa lassin sáhttá leat ávkkálaš čohkket dieđuid das, maid ovddasteaddjit ja eará lagaš olbmot leat vásihan ahte olmmoš liiko. 

Min beroštumit leat oktagaslaččat. Mánáide ja nuoraide geain leat iešguđetlágan hástalusat, lea dieđuid háhkan beroštumiid birra dehálaš vuođđun heiveheapmái. Jus mii galgat sáhttit láhčit dili, de mii fertet diehtit makkár relatiiva nanu bealit sis leat. Mii ovddida oahppama, dearvvašvuođa ja loaktima? Dákko lea ollu vejolašvuođat. 

Beroštumiid kárten lea vuohki buktit ovdan olbmo jiena, ja persovnnalašvuohta ovdanbuktojuvvo beroštumiid bokte. Go barggat áššiiguin main beroštat, de sáhtát oažžut iešluohttámuša ja movtta, mii fas lea buorre vuolgga oahppamii. 

Muhtumin sáhttá olggobeale motivašuvdna leat dárbbašlaš go čađaha bargguid mat eai leat nu geasuheaddjit. Go mii dovdat beroštumiid, de mii maid diehtit juoidá das makkár geasuheaddji doaimmaid sáhttit fállat maŋŋel vai šaddá álkit.