IPCA- kártenreaidu olbmuid várás geain leat stuora gulahallanváttisvuođat

Inventory of Potential Communicative Acts (IPCA) heive sihke mánáide, nuoraide ja rávisolbmuide álgo ovdánandásiin. Dat čájeha olbmo iešguđetlágán gulahallanovdanbuktimiid. Dakkár kárten sáhttá maid lasihit diđolašvuođa olbmo iešguđetlágán ovdanbuktinvugiid birra ja dan birra mii ovdanbukto. Dat fas sáhttá mielddisbuktit ahte lagasolbmot dulkojit ja responderejit eanet seamma láhkai, juoga mii fas sáhttá nannet olbmo ovdanbuktimiid. Dainna heive maiddái kártet olbmuid, geat ipmirdit ja vejolaččat ieža geavahit muhtun sániid dahje symbolalaš ovdanbuktimiid.

Kártenreaidu olbmuid várás geain leat stuora gulahallanváttisvuođat.

Eai leat makkárge formála gáibádusat, muhto son guhte galgá geavahit materiála, berre unnimusat 6 mánu dovdan su, gean galgá kártet. Dat sáhttá leat áigeguovdil oahpaheddjiide, PP-ráđđeaddiide, psykologaide, logopedaide, suodjalandivššáriidda, fysioterapevttaide, ergoterapevttaide ja váhnemiidda. Sáhttá goitge leat ovdamunnin ahte sus, guhte jođiha barggu, lea hárjáneapmi ja ipmárdus ovdagielalaš gulahallamis.

Skovis lea 53 gažaldaga 10 iešguđetge kategoriijas, juhkkon ovttaskas ovdanbuktimiid funkšuvnnaid mielde.

10 gulahallanfunkšuvnna:

• Sosiála konvenšuvnnat
• Oažžut fuomášumi
• Biehttalit/vuostálastit
• Jearrat ovtta diŋgga
• Jearrat ovtta doaimma
• Jearrat dieđuid
• Kommenteret
• Válljet
• Vástidit
• Imiteret