Kva er best for barnet?
Sjølv om skole er ein ny og kanskje ukjend arena for barnet, veit barnet noko om kva det liker og ikkje liker, og kva som fungerer for seg.
Det har vore mindre tradisjon for å hente inn og legge vekt på informasjon frå barnet sjølv. Sjølv om skole er ein ny og kanskje ukjend arena for barnet, veit barnet noko om kva det liker og ikkje liker, og kva som fungerer for seg.
Case
Andrea har vorte fem år. Ho gler seg mest, men gruer seg også litt til skolestart.
Andrea trivst godt med venene sine i barnehagen. Nokre av dei skal ho begynne på skolen i lag med, men dei fleste skal starte på ein annan skole.
I barnehagen ordnar dei vaksne med høyreapparata hennar, utan at Andrea treng å tenke på det. Ho veit også kven ho kan spørje, om ho ikkje får med seg alt det dei andre seier. Barna veit at Andrea har høyreapparat, men det er det ingen som bryr seg med eller snakkar om.
Andrea tenker av og til på korleis det skal bli på skolen. Veit læraren at Andrea bruker høyreapparat? Kjem ho til å høyre kva læraren seier? Ho er mest redd for om nokon kjem til å erte ho. Andrea håpar at ho får sitje saman med nokon som ho kjenner godt.
Barnekonvensjonen (PDF på regjeringen.no) stadfestar at alle barn, uavhengig av alder, har rett til å få stemma si høyrd, og at dei som arbeider med barnet, alltid skal vurdere til beste for barnet.
Artikkel 3 og 12 stadfestar barn sin rett til å bli høyrde, og at ei vurdering av barnet sitt beste er ein menneskerett for barn og ungdom.
- Voksne skal gjere det som er best for barn.
- Alle barn har rett til å seie meininga si, og meiningane skal bli tatt på alvor.
Det er viktig å få informasjon frå foreldre og barnehage om kva som fungerer best for barnet. I vurderinga av kva som er barnet sitt beste, vil også stemma til barnet vere sentral.
Nyttige ressursar
Tips for å legge til rette for gode samtalar
Nokre barn har lett for å prate og seie meininga si, medan andre er meir tilbakehaldne. Her er tips til verktøy som foreldre og andre kan bruke i barnesamtalar:
- Tenk enkelt.
- Ver kreativ.
- Finn og tilpass eigne metodar og verktøy som passar for kvart einskild barn.
- Barn skal bli høyrde – uansett kommunikasjonsutfordringar. Bruk den kommunikasjonsforma som er best for barnet.
- Lag påstandar, gjerne med biletstøtte/symbol med skolestart som tema, og som er tilpassa kvart einskild barn. Barnet kan til dømes rangere påstandane med emojis, som tommel opp, ned og midt imellom, eller ved hjelp av ulike ansiktsuttrykk/kjensler: 😊🙁😐 👍 👎👈
Hugs å legge til rette for gode lytteforhold i samtalar med barn som har nedsett høyrsel. Sjå eksempel på tilrettelegging for å betre lydmiljøet i filmen under:
Nyttige ressursar
Refleksjonsspørsmål
Foreldre, barnehage og skole har allereie etablert samarbeid og diskutert spørsmål som barnet går og tenker på, utan at barnet sjølv er involvert. Er det slik hos dokker?
- Korleis kan vi involvere barnet sjølv i prosessen og samarbeidet?
- Kva kan vi gjere for å finne ut av tankar som barn har om skolestart?
- Kven vil vere best til å finne ut og fortelje om barnet sine eigne meiningar og tankar om skolestart?
- Korleis skal barnet kunne få seie si meining, når det ikkje har erfaring med skole?
- Kva skal barnet få uttale seg om?
- Kven skal ha ansvar for å hente inn og sikre at stemma til barnet blir høyrt i overgangen?