Lohkovuolgga
Lohkovuolgga lea skrinen mainna sáhttá gávnnahit makkár matematihka vuođđodoahpagiid mánná hálddaša.
Lohkovuolgga
Skrinengeahččaleapmi, mánáide maŋemus jagi mánáidgárddis ja vuosttaš jagi skuvllas
Kárten čájeha makkár matematihka vuođđodoahpagiid mánná hálddaša. Lohkovuolggas leat 36 bargamuša mat kártejit: Sorterema, sajusteami, mihtideami, lohkomeari, lohkama, lohkosymbola, lohkoráiddu, minsttara ja rehkenastima.
Sihke mánáidgárddis ja skuvllas avžžuhat čađahit kártema unnit joavkkuin, gaskkal 5 – 10 máná. Guokte olbmo berrejit leat mielde kártemis -okta administrere ja nubbi dárku/doarju.
Bargamušat čađahuvvojit 20-30 minuhtas. Golbma álgo bargamuša leat hárjehallanbarggut. Lea dehálaš ahte geavahuvvo doarvái áigi čađaheapmái, vai mánná dovdá oadjebasvuođa dasa maid galgá bargat.
Geavat bagadallamis máná suopmana. Juohke bargamuššii lea nummar ja kategoriija. Dat geavahuvvojit skoremii ja eai galgga lohkkojuvvot.
Dan botta go mánná čađaha screenema registrerejuvvojit bohtosat. Bohtosat oidnojit dallánaga go mánná lea geargan. Máná bohtosat čájehuvvojit 9 sierralágan doaba kategoriijain ja de lea álki oaidnit maid mánná máhttá dahje ii máhte.
Haddi ja ovddideaddjit
Skovit leat nuvttá sámi institušuvnnaide (sádde e-poastta čujuhussii [email protected] dalle go registreret institušuvnna). Lea jahkásaš liseansa portála geavaheapmái.
Sámi erenoamášpedagogalaš doarjalus (SEAD) ja Info Vest Forlag.
Guoskevaš resurssat
Doabaáddejupmi
Doabaáddejupmi lea kárten mainna sáhttá fuomášit guđe doahpagiiguin lea dehálaš bargat viidáseappot sihke mánáidgárddis ja …
Matematihkka mánáidgárddis
Matematihkka mánáidgárddis lea resursapearbma mas leat ovdamearkkat lahkonemiide movt systemáhtalaččat bargat matematihkain …
Doabaoahppan – Bagadus strukturerejuvvon doabaoahppama birra mánáide ja ohppiide
Bagadusas čilgejuvvo movt sáhttá systemáhtalaččat bargat doabaoahppamin, sihke mánáidgárddis ja skuvllas.