Geahččaleapmi addá buori ja relevánta dieđuid go galgá čađahit heivehuvvon oahpahusa. Kártengeahččaleapmi čájeha maid oahppi nákce doarjaga haga, ja čađahettiin oaidná oahppi oahppanpotensiála go oažžu doarjaga ollesolbmos geas lea buorre gelbbolašvuohta matematihkas. Dynámalaš kártema ulbmil lea nákcet ráhkadit nu buori heivehuvvon oahpahusa go vejolaš matematihkas. Jus dainna galgá lihkostuvvat, de ferte oažžut čielgasii oahppi gelbbolašvuođa, movt oahppi resonnere ja mii dagaha ahte son cohkko. Danin berre ge ráhkkanahttit oahppi dasa movt galgá čilget dahje earaláhkái čájehit mo son jurddaša. Kártengeahččaleapmi lea dan meare viiddis ahte dan berre juohkit máŋgga oassái ja čađahit dan guhkebuš áiggis. Sámediggi lea ruđalaččat dorjon prošeavtta.

Dynámalaš kártengeahččaleapmi gávdno sihke 1.-5. luohká ohppiide ja ohppiide 5.-10 luohkkái. Ovdal go skuvla váldá atnui kártenávdnasiid, de ferte sihkkarastit ahte son guhte galgá kártet, lea oahpaheaddji geas lea nana gelbbolašvuohta das movt mánát ja nuorat ohppet matematihka.