Numicon

Numicon lea visuála materiála mii geavaha iešguđelágan dovdagiid mánáid matematihka lahkoneamis.

Lea álki čuovvut Numicon dásis-dássái-prográmma mii lea illustrerejuvvon govaiguin. Go geavaha eanet dovdagiid, de hástala iešguđetlágan oahppanstiillaid. Govvahámit movttiidahttet ohppiid ja ovdánahttet positiiva guottuid matematihka ektui.

NUMICON Ltd., England. Statped lea heivehan ávnnasiid dárogillii. Davvinorgga gealboguovddáš lea heivehan dan davvisámegillii 2008:s. Sámediggi lea resurssaid juolludemiin dahkan vejolažžan čađahit dán prošeavtta.

Dan sáhttá geavahit mánáiguin mánáidgárdeagis ja vuođđoskuvlaagis, ja lea maiddái ohppiid várás geat dárbbašit liige heiveheami matematihkkaoahpaheamis.

Numicon lea ráhkaduvvun ávkkástallat golmmain gievrras beliin mat mánáin leat, vai sii ohppet áddet loguid. Dat golbma gievrras beali leat:

• oahppat barggu bokte
• oahppat oaidnima bokte
• mánáid buorit návccat oahppat minstariid

Oahpahusas lea dehálaš ahte oahppi dovdá ahte son máhttá. Numicon visuála struktuvra ja dat praktihkalaš geavaheapmi nannejit máná iešdovddu. Dat mielddisbuktá ahte sii váldet ođđa hástalusaid. Go juogada máná vásáhusaid ja addit siddjiide positiivvalaš responssa, de mánná ovdánahttá positiiva guottuid matematihka ektui.

Oassi Numicon avnnasiin leat doaibmakoarttat mat čilgejit doaimmaid ja addet evttohusaid mo viidásit bargat. Sihke doaimmat ja evttohusat viidásit bargui lea ráhkaduvvon dan várás ahte veahkehit mánáid ja ohppiid ovdánahttit jurdagiid loguide masa doaimmat čujuhit: minstarat, vuorru, lohkan, árvosajádat, addišuvdna ja subtrakšuvdna.

Vuođđopáhka sisdoallu:

• Oahpaheaddjebagadus sámegillii
• Doaibmakoarttat
• Máŋgenoriginálat
• Plánen ja ovdáneapmi
• Kárten
• Konkrehta ávdnasat:
  • Ivdnebunccit
  • Numicon lohkohámit
  • Vuođđopláhtta
  • Minsttarbajildus vuođđopláhtii
  • Joran
  • Siffarkoarttat vuođđopláhtii
  • Lohkolinjá seaidnái
  • Dovdanseahkka
  • Magnehtateaipa