Mun gulahalan
Giellahárjehallanmodealla mánáide ja nuoraide, geain leat iešguđetlágan giellaváttisvuođat, giellaoččodeami rájes gitta skuvlaahkásaččaid lohkan- ja čállinhárjehallamii.
Eanet diehtu resurssa birra
“Karlstadmodealla” lea giellahárjehallanmodealla mas leat vihtta oasi mánáide ja nuoraide geain leat iešguđetlágan giellaváttut, árra giellaoččodeamis gitta skuvlaahkásaččaid lohkan- ja čállinhárjehallamii.
Ovddidan dárogillii Iréne Johansson. Jorgaluvvon ja heivehuvvon davvisámegillii Sámi erenoamášpedagogalaš doarjalus (SEAD). Sámediggi lea ruđalaččat dorjon prošeavtta.
Mánáide ja nuoraide geain leat iešguđetlágan giellaváttut.
- Mun gulahalan 1 lea Iréne Johanssona vuosttaš oassi giellaovdánanmodeallas “Karlstadmodeallas”. Dát girji lea mánáid árra stimulerenbarggu birra. Girji almmuhuvvui davvisámegillii 2005:s.
- Mun gulahalan 2 lea nubbi oassi giellaovddidanprográmmas. Girjjit leat mánáid giellahárjehallamiid birra, geat aiddo leat álgán geavahit sániid. Teakstagirjjis leat rávvagat mo geavahit álkes hárjehusaid ja hoahkamat pedagogalaš duhkorasaide. Govvaávdnasat giellahárjehusaide, spealuide ja stohkosiidda gávdnojit govavagirjjis. Girjjit almmuhuvvojedje davvisámegillii 2010:s.
- Mun gulahalan 3 lea goalmmát oassi giellaovdánanmodeallas. Dán girjjis čálli čilge movt giellastohkosiin, spealuin ja girjjiin sáhttá ráhkadit giellahárjehusaid mánáide geat dávjjimusat geavahit ovttastávval sániid. Govvaávdnasat leat mielde govvagirjjis. Dát girjjit almmuhuvvojedje davvisámegillii jagis 2008.
- Mun gulahalan 5 lea viđat oassi giellaovddidanmodeallas. Dát girji guoská lohkamii ja čállimii gielalaš aktivitehtan, mii lea čadnon máná ollislaš giellaovdáneapmái. Ulbmil lea ovdánahttit giela ja oažžut diđolašvuođa das mat sánit ja cealkagat leat. Dát girjjit almmuhuvvojedje davvisámegillii jagis 2003.
Diŋgo
Guoskevaš resurssat
Stoahkan ja gulahallan – vuosttaš ovdánanjagiid
Håndbok og observasjonsskjema på samisk for utvikling av lek, kommunikasjon og språk hos barn.
Lávllagirji veahkkegielain
Lávllagirji veahkkegielain lea ráhkaduvvon veahkkin ja movttiidahttin dihtii olbmuid mánáid birrasis geavahišgoahtit veahkkegiela go lávlot …
Čieža álkes vuogi luohkkálanjas – doarjjan ohppiide geain leat giellaváttut
Oahppit geain leat giellaváttut, dárbbašit árra doarjaga go giellaváttut fuomášuvvojit. Jus galgá veahkehit sin buoremus lági mielde, de lea …