Rehkenastinmáhtu geahččaleapmi
Rehkenastinmáhtu geahččaleapmi lea reaidu mainna sáhttá kártet dan oasi oahppi vuđolaš rehkenastinmáhtus, mii lea čadnon ovttageardánis lohkokombinašuvnnaid muitimii.
Rehkenastinmáhtu geahččaleapmi
Kárten, skuvlla 2.-10. jahkecehkiid várás
Njealji rehkenastinšlája hálddašeapmi lea guovddážis eanas matematihkkasurggiin. Rehkenastin lea maid vuođđogálgan buot skuvlafágain ja lea deaŧalaš oassi beaivválaš eallimis. Rehkenastinmáhtu geahččaleapmi sáhttá adnot árvvoštallat ohppiid beaktilvuođa/effektivitehta rehkenastinmáhtu bargobihtáid čoavdimis. Dat sáhttá adnot sihke joavkkuin ja maiddái oktagaslaš kártemii.
Rehkenastinmáhtu geahččaleami čađaheami kopierenoriginálat oktan bagadusain oahpaheddjiide ja ohppiide gávdnojit loahpageahčen gihppaga.
Rehkenastinmáhtu geahččaleapmi ráhkaduvvui Stavanger-prošeavtta oktavuođas. Dan geahččaladde 3375 oahppi miehta riikka ovdal go váldojuvvui atnui dutkanprošektii. Dat lea normerejuvvon ja standardiserejuvvon dárogillii skuvlla 2.-10. jahkecehkiid várás.
Geahččaleapmi lea nuvttá sámegielaide.
Galggan go juohkit ovtta gihppaga guhtege oahppái?
It galgga. Rehkenastinmáhtu geahččaleapmi lea gihpa oahpaheaddjái, ja das sáhtát máŋget árkkaid maid attát ohppiide.
Ferte go čađahit bargobihtáid maŋŋálaga?
Bargobihtáid ortnetvuorru lea dárkilit árvvoštallojuvvon. Jus oahppi ii leat automatiseren buot, de sáhttet muhtun bihtát orrut váddáset go earát.
Jus oahppit čovdet daid bihtáid maid ieža háliidit, de sáhttá oahpaheaddji dájuhuvvot, jus sii válljejit bihtáid mat sidjiide leat “álkibut”. Nu sáhttá oažžut boastu gova sin máhtus ja automatiseremis, ja nu maid ii áhte dulkot bohtosiid norpmaid mielde mat leat biddjon geahččaladdama vuođul.
Dan dihte ávžžuhuvvo čađahit geahččaleami dan ortnetvuorus mii boahtá ovdan instruvssas. Ávžžuhuvvo maid lohkat olles gihppaga ovdal go geavahišgoahtá geahččaleami.
Nasjonalt lesesenter. Heivehan sisdoalu davvisámegillii Sámi erenoamášpedagogalaš doarjalus (SEAD).
Guoskevaš resurssat
Tevdnen ja rehkenastin geahččaleapmi
Vuođđorehkenastinipmárdusa árvvoštallan – matematihkkakárten mánáidskuvlii.
Lohkovuolgga
Lohkovuolgga lea skrinen mainna sáhttá gávnnahit makkár matematihka vuođđodoahpagiid mánná hálddaša.
Numicon
Numicon lea konkrehta materiála ráhkaduvvon dan várás ahte mánát galget oažžut buori vuođu áddet matematihka.