Ellieslohkeme
Bïhkedimmie lea ellieslohkemen bïjre – mierie metodihkeles råajvarimmiej bïjre sjïerepedagogeles lohkeme- jïh tjaelemeööhpehtimmesne.
Vielie bïevnesh vierhtien bïjre
Aajkoe bïhkedimmine lea ellieslohkeme goh barkoevuekie edtja eantan buerebe viehkiedïrreginie sjïdtedh lohkehtæjjide gïeh maanah jïh noerh lohkeme- jïh tjaelemetsagkesigujmie ööhpehtieh.
Daate mierie nuepiem lohkehtæjjese vadta barkoem sjïehtedidh fïerhten learoehkasse – sahth mennie daltesisnie lea.
Lissine praktihkeles buerkiestæmman prinsihpijste ellieslohkemasse, bïhkedimmie aaj teemah feerhmie lohkemeevtiedimmien bïjre, goerehtallemen bïjre, lohkehtæjjan råållan bïjre ellieslohkemisnie jïh ektiedimmien bïjre soptsesgïelen jïh tjaelemegïelen gaskem. Golme learohkevuesiehtimmieh vuesiehtieh guktie ellieslohkeme maahta åtnasovvedh praksisesne.
Bïhkedimmie aaj bijjieguvviem vadta goerehtallemedïrregi, lidteratuvren jïh lïeremestrategiji bijjeli.
Sjyöhtehke vierhtieh
Baakoemïestere
Baakoemïestere akte digitaale lïerehtimmiespïele mij edtja learoehkidie viehkiehtidh veerbh sojjehtidh öörnegen mietie, dovne noerhte- …
20 gyhtjelassh gïelemaehtelesvoeti bïjre
20 gyhtjelassh leah vïhtesjimmiegoere mij åtnasåvva goerehtallemisnie gaajhki learohki gïelemaehtelesvoetijste maadthskuvlesne.
Lohkeme- jïh tjaelemetsagkesh
Lohkeme- jïh tjaelemetsagkesh lea ektie dïejvese ovmessie haestiemidie lohkeminie jïh/ jallh tjaelieminie. Lohkeme jïh tjaeleme vihkielommes …