Bo Ege – Gielalasj guoradallam

Guoradallam.

Sjiebmá l nåvkå sáme institusjåvnåjda (rája e-påstav @spesialpedagog.no gå institusjåvnnåj diŋŋgu). Jahkásasj lisænssagålo portála adnuj.

Sáme sierrapedagogalasj doarjja (SEAD) ja Info Vest Forlag.

Maŋemus jahkáj mánájgárden ja vuostasj jahkáj skåvlån.

Gå giellaguoradallamav tjadáda, de bierri máná siegen aktu liehket ja asstelattjat tjadádit. Mánná galggá gåvåjt gæhttjat ja nammadit majt vuojnná. Sierrapedagåvggå diebttji dav vásstádusáv mij buoremusát hiehpá dan báhkuj majt mánná l javllam dan gåvå birra. Boahtte gåvvå ihtá sjærmmaj gå åvdep gatjálvis la vássteduvvam. Gåvå vuoseduvvi akta ájgen ja gatjádip gatjálvisáv: «Mij la dát?».

Álkke l máná vásstádusáv árvustallat. Vásstádusá juogeduvvi gålmå juohkusij: Badjásasjbuojkuldahka, Dábálasjbuojkuldahka, Vuollásasjbuojkuldahka.

• Badjásasjbuojkuldahka l dárkkelis nammadus gåvås.Bágo duola degu buojddegattsak, lastebijlla jali gadtsalássa. Dá bágo/moallánahkko li biejadum maŋŋel 3, ja vuoset vásstádus oadtju gålmmå tjuokka
• Dábálasjbuojkuldagá li dábálamos nammadime gudá-gietjav jagágijda. Da li bágo duola degu lådde, bijlla ja lássa. Dá bágo/moallánahkko li biejadum maŋŋel 2, da li mierkkiduvvam buojdes tjállusijn, ja vuosedi vásstádus oadtju guokta tjuokka
• Vuollásasjbuojkuldahka vuoset álkkeduvvam, tjielggiduvvam, perseveriduvvam jali boasstot nammaduvvam. Da li bágo duola degu pippip, tuttut jali rájgge. Dá bágo /moallánahkko li biejadum maŋŋel 1 ja vuoset vássádusás oadtju avtav tjuokkav

Jus mánná ij majdek nammada, de ij oattjo tjuokkav (0 tjuogga). Ienemus bálijt adná mánná dajt nammadusájt majt vuojná árvustallamtabellan. Jus mánná nammat bágojt boasstot jali ietjá láhkáj, da la sierrapedagåvgå duogen biedjat vásstádusáv avta dan gålmå juohkusij ietjas gielladájdo.