IPCA- åtsådimræjddo sijá hárráj gudi ednagit rahtji guládallamijn
IPCA la åtsådimræjddo åvdemusát sijáj hárráj gudi ienemusát guládalli rubmaha jali åvddågielak vuogij baktu.
Ienep diehto resursa birra
Inventory of Potential Communicative Acts (IPCA) hiehpá sihke mánájda, nuorajda ja ållessjattugijda árra åvddånimdásijn. Gåvvit ulmutja iesjguhtiklágásj guládallamvuogijt. Dákkir åtsådibme máhttá diedulattjan dahkat nágin ulmutja moatte javllamvuogijt ja mij javladuvvá. Navti vas lahkaulmutja ienep muodugasj láhkáj suv dålkkuji ja sunji vásstedi, mij vas máhttá suv javllamusájt nannit. Dájna ihkap aj hiehpá åtsådit ulmutjijt gudi dádjadi ja ihkap ietja adni muhtem bágojt jali symbåvlåjt.
Åtsådimræjddo sijá hárráj gudi ednagit rahtji guládallamijn.
Ælla makkirak formála gájbbádusá, valla sån guhti galggá åtsådimræjdov adnet bierri dåbddåm suv gev åtsåt binnemusát 6 máno. Dat máhttá hiehpat åhpadiddjijda, PP-rádevaddijda, psykolåvgåjda, logopedajda, suodjalimsujttárijda, fysioterapevtajda, ergoterapevtajda ja æjgádijda. Ajtu l vuogas jus sån guhti dievddemav jådet la hárjjánam ja máhttá åvddågiela guládallama birra.
Skåven li 53 gatjálvisá 10 slájajda juogeduvvam, åvddånbuktema/javllamusá funksjåvnå milta juogeduvvam.
10 guládallamfunksjåvnå:
- Sosiála konvensjåvnå
- Oadtjot berustimev
- Hilggot/vuosteldit
- Ádnot juojddá
- Sihtat juokkirak dåjmav
- Diedojt gatjádit
- Kommenterit
- Válljit
- Vásstedit
- Háddidallat
Guoskadahtedum resursa
Berustimkárttimsjiebmá – oahppamij ja soapptsomij
Kárttimsjiebmá mánájda ja nuorajda gávnatjit dåjmajt ma åvdedi oahppamav ja soapptsomav.
Návti hálijdav galggá liehket skåvlån ja asstoårruhin
Ságastallamræjddo ulmutjijda gænna li iesjguhtiklágásj dárbo ja gåktu sij hálijdi galggá liehket skåvlån ja asstoårruhin.
Goassa så lik mánná sáhkadahttjá? Ale vuorde ja gehtja!
Dán girjátjin oattjo diedojt mij ietjá ja duodde guládallam (IDG) la, manen dat la ájnas ja gåktu máhtá mánát viehkedit ietjas gielav …