Statpeds mål, oppgåver og årsrapportar
Statped er underlagt Kunnskapsdepartementet og er Noregs største kompetansemiljø for spesialpedagogikk, teiknspråk og tilrettelagde læremiddel.
Som del av opplæringssektoren skal vi bidra til at barn, unge og voksne med særskilte opplæringsbehov får mulighet til å være aktive deltakere i utdanning, arbeid og samfunnsliv.
Våre mål
Statped har følgjande hovudmål:
- Kompetanseutvikling: Kommunar og fylkeskommunar får tenester og støtte til kompetanseutvikling som fremjar læring, utvikling og deltaking i ein inkluderande fellesskap til barn og elevar med varige og komplekse spesialpedagogiske behov.
- Teiknspråkopplæring: Barn og elevar med rett til opplæring i og på teiknspråk er inkluderte både i ein norsk/samisk og ein norsk teiknspråkleg fellesskap.
- Læremiddel: Kommunar og fylkeskommunar har tilrettelagde læremiddel og pedagogisk materiell som fremjar læring, utvikling og deltaking for teiknspråklege, blinde og sterkt svaksynte barn og elevar i ein inkluderande fellesskap.
Oppgåver
Oppgåva vår er å byggje og halde spisskompetanse ved like på fagområde der utfordringane er så sjeldne eller komplekse at kommunar og fylkeskommunar ikkje kan ha nødvendig kompetanse.
Rådgivarane våre reiser ut til kommunen der barnet eller eleven bur. På den måten sikrar vi at dei får same høve som andre til å lære, utvikle seg og delta i eit inkluderande fellesskap.
Vi får årleg tildelingsbrev frå Kunnskapsdepartementet, som beskriv oppgåver departementet pålegg oss å løysa innanfor ein gitt periode.
Strategiar
- Statpeds strategi for 2023-2027 har seks innsatsområde som møter utfordringar vi ser i opplæringssektoren. Dei seks innsatsområda skal setje ein kurs som byggjer opp under dei tre hovudmåla vi har fått frå Kunnskapsdepartementet.
- Strategi for å styrkje det spesialpedagogiske arbeidet med samiske barn og elevar 2026-2030 synleggjer korleis Statped samarbeider med dei ulike samiske og norske utdanningsaktørane i Noreg, og i det tradisjonelle leveområdet til samane – Sápmi.
Årsrapportar
Årsrapporten ser attende på året som har gått. Ho er ei melding til Kunnskapsdepartementet over aktivitetane våre, resultat og prioriteringar, og korleis vi har løyst oppgåvene vi fekk i tildelingsbrevet frå dei.
Usikker på noe?
Statpeds spør oss-tjeneste er et lavterskeltilbud for deg som trenger råd om spesialpedagogikk. Vi snakker mest med folk i PP-tjenesten, men barnehager, skoler og andre kan også ta kontakt. Er du foresatt og lurer på hvordan støttesystemet fungerer, hjelper vi deg gjerne.