Om Statped
Statped yter tenester for barn og elevar som treng varig og omfattande tilrettelegging i barnehage og skole. Vi hjelper PPT med tenester og kompetanseutvikling, gir opplæring i og på norsk teiknspråk og produserer læremiddel og materiell.
-
Organisasjon Statped er eit tenesteytande fagdirektorat under Kunnskapsdepartementet. Slik er vi organiserte.
-
Tenestene våre Statped tilbyr tenester for barn, elevar og laga rundt dei, samiskspråklege, organisasjonar og UH-sektor. Her kan du bli kjend med tenestene våre.
-
Brukarmedverknad Statped har seks brukarråd som fremmar brukarperspektivet i strategisk viktige saker og prosessar. Les meir om brukarmedverknad og årsrapportar her.
-
Statpeds mål, oppgåver og årsrapportar Her finn du full oversikt over Statped sine mål, oppgåver og årsrapportar, samt våre strategiar dei kommande årene.
Statped er Noregs største kompetansemiljø for spesialpedagogikk, teiknspråk og tilrettelagde læremiddel.
Statped arbeider for at barn og elevar med særlege opplæringsbehov skal få eit heilskapleg pedagogisk tilbod.
Dette omfattar kompetansebyggande og inkluderande tiltak, læremiddelutvikling og teiknspråkopplæring som heng godt saman med det allmennpedagogiske tilbodet. Omgrepet «elev» inkluderer også vaksne i opplæring og lærlingar.
Tenester som Statped tilbyr
Statped tilbyr tenester innanfor desse områda:
- syn
- høyrsel
- kombinerte syns- og høyrselstap
- døvblindheit
- samansette lærevanskar
- språk og tale
- alternativ og supplerande kommunikasjon (ASK)
- erverva hjerneskade
Tenestene våre er ofte tverrfaglege fordi mange barn og elevar har komplekse utfordringar.
Teiknspråk og samisk
Vi tilbyr teiknspråkopplæring for elevar med nedsett høyrsel og teiknspråkkurs for foreldra og søskena deira. I tillegg har vi kurs for tilsette i barnehagar og skolar.
Statped har eit tilbod om grunnskole og vidaregåande skole for elevar med medfødd døvblindheit ved Diamanten skole i Oslo.
Statped tilbyr landsdekkande spesialpedagogiske tenester innan alle fagområde til samiske barn og elevar, på både nord-, lule- og sørsamisk samt norsk, gjennom den samiske spesialpedagogiske tenesta vår.
Kunnskapsutvikling
Vi utviklar, legg til rette og produserer læremiddel og pedagogisk materiell for teiknspråklege, blinde og sterkt svaksynte.
Statped bidrar til utdanningar og forskingsbasert kunnskapsutvikling innanfor fagområda våre ved universitet og høgskolar.
Vi gir faglege råd til Kunnskapsdepartementet i saker som gjeld barn og elevar med særskilde opplæringsbehov. Vidare systematiserer vi kunnskapen vår for å bidra til politikkutvikling og forvaltning.