Femtrinnsmodellen

Light & Drager ved Penn State University har utvikla ein tidleg innsats-modell som viser kva du bør legge vekt på for å komme i gang med ASK.

Prinsippa i modellen kan brukast uavhengig av korleis den ASK-språklege kommuniserer. Modellen er ei god støtte når du planlegg kva ord og teikn personen treng tilgang til, og når du skal utvikle eige materiell.

Femtrinnsmodellen bygger på kunnskap om tiltak som støttar språk og kommunikasjon, og eignar seg best som ein tankemodell i tilrettelegging for ASK-språklege som har symbolsk forståing.

I filmen under får de ein gjennomgang og eksempel på dei fem trinna.

Desse skjemaa er for deg som skal legge til rette for leik og språkopplæring hos ASK-språklege.

• Femtrinnsmodellen: Eit skjema du kan bruke til å planlegge ordforråd og tilrettelegging med utgangspunkt i femtrinnsmodellen.
• Stjerneskjema – for planlegging av aktuelt ordforråd og fraser i ein aktivitet: Dette skjemaet kallar vi «stjerneskjema». Det bygger på «Ett skritt foran» og skjemaet «Valgfri scene» av Irene Johansson. Det skal hjelpe deg å kartlegge og planlegge kva ord, fraser og setningar den ASK-språklege treng for å kommunisere med andre i ein bestemt aktivitet.
  
  Eit slikt skjema er til hjelp for å ta i bruk kommunikasjonsforma til personen, anten det er teikn-til-tale eller grafiske symbol. Skjemaet kan med fordel brukast som støtte i trinn tre i femtrinnsmodellen.