Måltidet sine pedagogiske moglegheiter i barnehagen

Gjennom mat og måltid kan barnehagen bidra til gode helsevanar, sosial kompetanse og språkutvikling, samtidig som alle barn får oppleve inkludering rundt bordet.

Barnehagen har eit særleg ansvar for å gi måltida ein sentral plass i kvardagen til barna. Næringsrik mat er viktig for helse, vekst og læring hos barn, men måltida handlar også om sosial utvikling, kommunikasjon og fellesskap. Barn kjem til barnehagen med ulike behov og utfordringar knytte til mat, frå selektiv spising og allergiar til meir omfattande spisevanskar.

Derfor må personalet ha både pedagogisk og spesialpedagogisk bevisstheit rundt måltidssituasjonen. Måltid og matlaging kan brukast som pedagogiske verktøy som fremmar samarbeid, inkludering og samtale. Når barnehagen legg til rette for gode måltidsrammer, kan han bidra til å utvikle sunne kostvanar, auka matglede og eit inkluderande fellesskap for alle barn.

Rettleiaren passar for alle som jobbar i barnehagen.

Rettleiaren beskriv korleis måltidet i barnehagen kan brukast som ein pedagogisk arena for å støtte kommunikasjon, samspel, inkludering og læring i kvardagen.