Rávvagat ohppiidságastallamii vavddadeami/gahkkama birra: Oahpaheddjiide geain leat oahppit geat vavddadit, lea dehálaš ahte lea buorre gulahallan oahpaheaddji ja oahppi gaskkas. Dán gihppagis gávnnat konkrehta gažaldagaid maid oahpaheaddjit sáhttet geavahit ohppiidságastallamis, ja maiddái jearahallanskovi evttohusa.
Diehtogihpa vavddadeami/gahkkama birra skuvllas: Dán gihppagis gávnnat dieđuid vavddadeami/gahkkama gullovaš ja čihkkojuvvon beliid birra skuvlaahkasaš ohppiide. Dasa lassin das leat ávkkálaš rávvagat oahpaheddjiide, logopedaide ja váhnemiidda.

Ohppiide:

Movt ovdanbuktit vavddadeami/gahkkama luohkkái? Diehtojuohkin vavddadeami/gahkkama birra sáhttet leat mielde oččodeame eanet dohkkeheami ja áddejumi. Ovdanbuktin luohkkái lea álkes ja beaktilis vuohki gaskkustit dieđuid vavddadeami/gahkkama birra eará ohppiide. Dáppe gávnnat dieđuid dan birra movt ja manne ovdanbuktin sáhttá leat álkes ja beaktilis vuohki gaskkustit dieđuid vavddadeami birra eará ohppiide. Ovdanbuktima málle sáhttá viežžat.
Mu girji vavddadeami/gahkkama birra: Persovnnalaš girji vavddadeami/gahkkama birra sáhttá leat buorre vuohki čohkket dieđuid iežas ja iežas vavddadeami/gahkkama birra. Dan sáhttá geavahit logopedalaš čuovvoleamis ja čájehit luohkkái, ustibiidda ja bearrašii.
Ođđasat! Ođđasat! lea aviisa vavddadeami/gahkkama birra mii lea ráhkaduvvon erenoamážit skuvlamánáide! Dáppe gávnnat earret eará fáktádieđuid ja myhtaid vavddadeami/gahkkama birra, bajilgova dovddus olbmuin geat vavddadit/gahkket, vavddadanquiza ja buriid rávvagiid.
Nieida gii vavddada/gahkká: Dán bagadusas deaivvadit Miain ja su vásáhusaiguin vavddademiin/gahkkamiin. Dáppe leat maiddái lassedieđut dan birra mii vavddadeami/gahkkama logopedalaš čuovvoleapmi sáhttá leat.

Diehtojuohkinfilbma ohppiide maid sáhttá geavahit go juohká dieđuid luohkkái ja logopedadiimmuin.

Vavddadeapmi/gahkkan skuvllas

Sisdoallu