Movt earuhit ovdáneaddji nuppigiela giellaváttuin?
Manne mii vásihit ahte muhtin mánáin ja nuorain geain lea máŋggagielat duogáš, lea nu eahpesihkkaris giellamáhttu ahte dan sáhttá dulkot DLD:n?
Sáhttá leat váttis identifiseret máŋggagielat mánáid ja nuoraid geain leat oahppanváttut – erenoamážit váttisvuođat gielas ja lohkamis.
Máŋggagielat mánát ja nuorat ovdánahttet giela seamma láhkai go ovttagielagat, ja ahte eksponerejuvvo máŋgga gillii ii leat hehttehus buori gielladáiddu ovdáneamis. Navdojuvvo ahte seamma stuora proseanttas máŋggagielat go ovttagielat mánáin ja nuorain leat iešguđetlágan oahppanváttut. Muhto dattege lea badjelmeare identifiseren go lea sáhka máŋggagielat ohppiin geain leat vejolaš erenoamášpedagogalaš dárbbut.
Ovdáneaddji nubbigiella sáhttá sulastahttit DLD
Erenoamáš váttis lea earuhit máŋggagielat mánáid geat leat árrat dárogiela ovdáneamis ja máŋggagielat mánáid geain lea DLD. Goappašat dáhpáhusain dárogiela gielladáiddu dovdomearkan lea
- heajos sátnevuorká
- eahpesihkkaris sojahanhámit
- meattáhusat cealkkastruktuvrras
Gielladáidu sáhttá maid leat eanet eahpesihkkar go vuordit agi ektui. Dát dahká ahte lea váttis diehtit goas máŋggagielat ovdáneapmi spiehkasta.
Geavahuvvo ovttagielat buohtastahttinvuođđu
Ollu máŋggagielat mánát bajásšaddet ruovttuin gos dárogiella ii leat váldogiellan. Sii gulahallet máŋgga gillii, ja vaikko sii oktiibuot sáhttet oažžut seamma ollu gielalaš eksponerema go ovttagielagat, de sii dávjá ožžot unnit eksponerema juohke gillii maid máhttet. Dan dihte sii dávjá leat heajubut juohke gielas jus dát árvvoštallojuvvojit sierra ja buohtastahttojuvvojit ovttagielat ovttaahkásaččaid gielladáidduin.
Go máŋggagielat mánát ja nuorat kártejuvvojit nuppigielas, de sii danin joavkun čájehit heajut dáiddu go ovttagielagat.
Jus ii máhte oahpahusgiela, de sáhttet šaddat heajut oahppanbohtosat
Vaikko ollu máŋggagielat mánát ja nuorat jođánit olahit buori jietnadeami ja vuođđogrammatihka, de gáibiduvvojit ollu, buorit ja máŋggabealat giellavásáhusat vai giela oahppá nu bures ahte dan bokte sáhttá háhkat ođđa máhtu. Lea álki boastut árvvoštallat man guhká dát duođaid ádjána.
Go oahpahus dáhpáhuvvá nuppigillii dahje gillii maid ii vuos nu bures hálddaš, de dat sáhttá mielddisbuktit heajut oahppanbohtosiid. Váilevaš oahppanbohtosat sáhttet seaguhuvvot erenoamášpedagogalaš dárbbuiguin ja áiggi mielde sáhttet mielddisbuktit dárbbu individuálalaččat heivehuvvon oahpahussii.
Stuora variašuvdna mii máŋggagielat ohppiin lea sihke gielladáiddus ja oahppanbohtosiin, gáibida gelbbolašvuođa skuvlavuogádagas sihke nuppigiela ovdáneamis ja erenoamášpedagogalaš dárbbuin
Dárbbašlaš kártet juohke gillii
Go lea váttis earuhit eahpesihkkaris dárogiela dáiddu ja DLD, de máŋggagielat mánáid giellahástalusat dulkojuvvojit dávjá boastut. Dárogiela dáiddu kártenreaiddut eai leat jurddašuvvon máŋggagielat mánáide, ja sáhttet addit boasttubohtosiid.
Máŋggagielat mánáid kárten lea dan dihte earálágan go ovttagielat mánáid kárten. Dás sáhtát lohkat eanet movt kártet máŋggagielat mánáid ja ohppiid.
Usikker på noe?
Statpeds spør oss-tjeneste er et lavterskeltilbud for deg som trenger råd om spesialpedagogikk. Vi snakker mest med folk i PP-tjenesten, men barnehager, skoler og andre kan også ta kontakt. Er du foresatt og lurer på hvordan støttesystemet fungerer, hjelper vi deg gjerne.
Dette kan være nyttig for deghold
Språkmiljø for flerspråklige barn med DLD i barnehagen
Når et barn har DLD og samtidig skal lære flere språk, vil en bevisst og systematisk tilnærming være nødvendig for å gi tilstrekkelig …
Hva må du tenke på når du skal kartlegge flerspråklige?
Flerspråklige barn og elever har kompetanse på to eller flere språk. Dette får konsekvenser når du skal kartlegge.
Hvilket språk bør flerspråklige foreldre snakke med sine barn?
Det enkle svaret er at flerspråklige foreldre bør snakke det språket som de mestrer best og som det føles mest naturlig for dem å bruke.